حالة سخط وغضب ومعاناة يتكبدها ركاب القطارات بمحطة قطار أبوتيج بمحافظة اسيوط احد اهم مراكز محافظة اسيوط التجارية وبلد العارف بالله السلطان الفرغل منذ الشروع في عملية تطوير محطة قطار أبوتيج في اغسطس 2015 وحتي الان دون انجاز أي تطوير بل تحولت المحطة لخرابة.
وشهدت عصر أمس الإثنين حالة سقوط سيدة أثناء ركوب القطار ولم يستطع الأهالي إنقاذها وبترت ساقيها في الحال وتوفيت فور وصولها مستشفى ابوتيج المركزي.
ويقول حمدي محمد، المواطن عشان يركب عايز 6 يسحبوه ولما يكون راكب مسن ميعرفشي يركب، والرصيف مش مطابق للمواطفات ناقص طوب محتاج يتعلي كمان لمسافة 30 سم والمقاول يادوب قشر و كسر الارضيات.
ويضيف محمد سعيد، أحد الركاب، البلكات دي كانت اتركبت من فترة لو راحد مسن ومحدش سندة وهو نازل هيقع تحت عجلات القطار ياريت يركبوا البلكات دي لحين ما تتوفر الاعتمادات والاعتمادات متوفر بس هما مش عايزين يشتغلوا.
وتابع ثروت خليفة ،موظف بسكة حديد أسيوط، المقاول بدء يكسر الارضيات والحوائط منذ أغسطس 2015 وحتي الان والمحطة تحولت لخرابة مخيفة بدون ، دورة مياه والاتربة تغم المحطة عند وصول القطارات وتيارات الهواء الشديدة ،فضلا عن ان الركاب المنتظرين للقطارات لا يجدوا مكان للجلوس من الاتربة والتكسير والحجارة والحفر وأشار محمد علي، موظف ، إلي ان القطارات المجاريات توقفت عن محطة قطار ابوتيج لاسباب غير معروفة وهي القطارات 934/ 935 الأقصر الاسكندرية، والقطار رقم 89/ 80 الاسكندرية أسوان الزوجيشمال جنوب ،بالاضافة الي انه مفيش قطارات للمصايف ،وتركو المواطنيين للقطارات الشعبية التي تعرضهم لكافة أشكال المخاطر والسرقات.
هناء حسين
