تنعى أسرة المركز الإقليمى لنقل الدم بأسيوط الأستاذ / مينا عماد عازر (المتبرع المنتظم) بالمركز ، مقدمة خالص التعازى لأسرته وكل محبيه وأن يلهمهم الله الصبر على وفاته
----------------------------------------------------
في العادي مش بحفظ شكل المتبرعين معايا بالدم من كتر ما بيمر عليا ناس كتير لكن لما شفت صورة الشاب ده على فيسبوك افتكرته لأن من حوالي شهر نزلت حملة كانت من الحملات الجميلة في كنيسة مار بولس وجالي الشاب ده وكان خايف جدا من التبرع زي كتير من الناس اللي بترفض التبرع بسبب الخوف وصمم انه يتحدى خوفه ويتبرع لأن ده خير للناس وده اللي مخليني فكراه
النهاردة شوفت صورته وعرفت انه اتوفى وهو بيساعد اطفال بيلعبوا ووقعت الكرة منهم في الترعة فنزل يجيبهالهم فغرق واحمد قام بانتشال جثته
حقيقي انا بكل الحزن والأسى (ومتأكدة ان هيشاركني مشاعري جميع العاملين بالمركز الإقليمي لنقل الدم بأسيوط ) بنعي اسرتك طالبة من الله تعزيات خاصة لأسرتك وان يكون عمل الخير شفيع ليك يوم القيامة
--------------------------------------------------
صلاة الجنازة علي مينا عماد (الخادم النشيط)
امس يوم السبت الساعه 12. بحضور صاحب النيافه الانبا يؤنس اسقف اسيوط. فى كنيسة القديس ماربولس الرسول بالمعلمين
