نشبت فى ثانى ايام عيد الأضحى المبارك فى منطقة شركة فريال - أسيوط خلاف بسيط بين شخصين فتحولت الى مشاجرة ضخمة استخدم فيها الأسلحة النارية ( بندقية آلى - طبنجات ) المختلفة من الطرفين .
تبدء أحداث الواقعة بحادث سير بسيط من قائد سيارة أنحرف قليلا عن الطريق ناحية احد المارة ، فقام الأخير بالتخبيط على السيارة ، فارتجل قائد السيارة يسألة عن رد فعله العنيف وما كان الا وان تجمع اصدقاء الشخص المتضرر من قائد السيارة وقامو بضربه وسحله أمام المارة بالسنج والهراوات .
وبعد أن علم أقارب صاحب السيارة بالواقعة تجمعوا وبدأ اطلاق الاعيرة بكثافة ، الأمر الذى ادى إلى زعر اهالى المنطقة وقاموا بالاتصال بالشرطة ، والتى جاءت بدورها لتستكشف الوضع بعد أنتهاء الحادث .
الجدير بالذكر أن هذه الواقعة لم تسفر عن إصابة احد من المتواجدين
" سمعت فى خناقة بين مجموعة من الناس ، فروحت اشوف لقيت حوالى اكتر من 40 واحد واقفين تحت بيت وعمالين يشتموا بإلفاظ بذيئة .
عرفت من الناس الموجودة أن فى واحد راكب عربية زنق بدون قصد على واحد ماشى فى الشارع ، راح الشخص الأخير خبط على العربية جامد ، فالسواق نزل وقالوا براحة ، قام الولد اللى خبط على العربية ضربه وتجمع اصحابه وسحلوه قدام الناس .راح صاحب العربية جايب اصحابه هو كمان وبدأ الضرب بين المجموعتين .
طلع راجل كبير من فوق ضرب نار عليهم ، وبعدين مشيوا وراحوا جابوا طوب و سنج وسكاكين ، وجه شخص تانى طلع أطلق أعيرة نارية فى الهواء لتفرقة التجمع امام المنزل بس دا كان جاى من وراهم فالناس الى معاهم سنج هربوا .
بعد كده عرفت أن الاتنين الى ضربو النار مع بعض واتصلو بواحد تالت جاه معاه سلاح آلى ولما جه طلع السلاح و ضرب نار كتير وجرى ورا الى باقى منهم ، وحصلت حالة من الرعب فى الشارع .
وفى الاخر الشرطة جت بعدها وكل السلاح اختفى ، ولحد دلوقتى منعرفش اللى حصل فى قسم الشرطة بعد كده ."
ليست هناك تعليقات:
إرسال تعليق