إلي حضرة السيد اللواء الوزير / محافظ أسيوط – حيث أنني من أبناء مركز صدفا محافظة أسيوط أرجو من سيادتكم التكرم بإصدار إوامر وتوجيهات سيادتكم بتشغيل الصرف الصحي عشان كده كفاية قوي البيوت اللي ليها سنين ووالدينا تعبوا فيها ولا يوجد لنا مئوي سواها سوف تنهار من مياه الصرف الصحي وكل يومين بنجيب عربية الكسح ( الصرف الصحي ) بتنزح البلااعات ومش عارفين نلاقيها من فين ولا فين من خروج مياه البلاعات في البيت والرشح علي الحيطان وتخلي البيت عبارة عن بحر ولا نلاقيها من الفلوس ثمن العربيات بتاعت الصرف ( الواحدة بـ 25 جنيه × 4 عربيات كل يومين ) بالله عليكم يا حضرف المحافظ اللي ربنا جعل المحافظة دي ووظيفتك دي أمانه دا حلال ولا حرام ورغم ده كلوا مفيش فايدة خالص ومش قادرين نعيش منها وكل يوم بندعي يا رب أسترها علينا وعلي البيت .. فعشان خاطر ربنا وخاطر النبي أعملوا فينا معروف ربنا يديكم علي كده وأكتر خير فيكم وفي عيالكم ألحقوانا من الصرف الصحي اللي هيوقع البيوت وحسوا بينا عشان خاطر ربنا وتكرموا وألقوا نظره بأنفسكم علي حالنا ده وشوفوا أحنا عايشين أذاي بس متبعتوش حد من رؤساء مجلس المدينة أو أحد من قبل سيادتكم عشان عمرهم مهيكونوا صادقين عشان مفيش ضمير كل واحد قاعهد في منصب [ عشان خاطر مصالح شخصية فقط ] يا ريت يا سيادة المحافظ تتكرم وتتفضل بإصدار أوامر سيادتكم بتشغيل الصرف الصحي في صدفا في أقرب وقت وبسرعه جداً حفاظاً علي الأرواح والله العظيم حرام اللي أحنا فيه ده ولو عملت خير وأشتغيل الصرف الصحي يا الدعو ات الخير اللي هتلاقيها من الأهالي والخير اللي هيجيلك من ربنا .
ليست هناك تعليقات:
إرسال تعليق