الثلاثاء، 22 يناير 2013

انسان اسيوط فى حملة ’’ اشكرك ’’ وحملة للتبرع بالدم


"اشكرك "
يعنى ايه __________"اشكــــــــــــرك"___________

وهى اختصار ل انسان

..شارك .
.كن
..رائد
..كل الخير ليك ولبلدك
_____________

اشكرك .. سلسله ايفنتات من شباب انسان قرر ينزل الشارع الاجازة دى عشانى وعشانك وعشان بلده ..
هنبدأها بحمله التبرع بالدم ..... وتابعونا فى باقى الايفنتات ..
________________________________________



بتسأل دمك هيروح فين !!

: هيروح لشريان وقلب حد هيدعيلك من قلبه اللي بينبض بدمك ,

هو انا ينفع انقذ حد من الموت ؟
__________________________________________

نقطه دم منك = حياه لحياه مريض مهدد بالموت كل 3 ثواني , دمك يمكن أن ينقذ أربعة أشخاص عند فصل مكوناته وليس شخصًا واحدًا

وانتو بتعملوا كدا ليه ؟
_________________________________

"عارف ان شعارنا في مشروع انسان "الحياه حق لكل انسان", ولما نقول لكل انسان يبقي مش مهم يكون محتاج او فقير لا دا ممكن يكون مريض , وايمانـا منا بشعارنـا (الحياه حق لكل انسان) قررنـا ننزل حمله للتبرع بالدم ( انسان هيتبرع ) هننقذهم من المرض هننقذهم من (الموت)

طب وانا اعرف منين اني بتبرع في المكان الصح ؟

______________________________

سحب العينات بيتم عن طريق عربيات العيادات المنتقله التابعه لوزاره الصحه

طب وايه تاني ؟
_____________________
للمتبرع الحصول على نتائج فحوصات المسح الخاصة به

طب ودا مقابل ايه ؟
_____________

" دا مش مقابل لحاجه لان الفحوصات دي لازم تتعمل قبل مايدخل الدم جسم المريض للتاكد من سلامته وانت اولي بفحوصاتك

طب وانا ايه اللي يطمني انه مش هيتباع بعد كدا ؟ : " اللي بيباشر كل حاجه هي وزاره الصحه اللي بتسد حاجه المستشفيات زي معهد الاورام ومستشفيات الكبد والكلي وغيرها من الدم علي حسب الاحتياج (بدون مقابل)

طب ودا فيه اي أي خطورة عليا؟
_____________________________________

"التبرع بالدم لا يعرض المتبرع لأي خطر؛ من الإصابة بأي مرض. الأدوات التي تستخدم في عملية سحب الدم معقمة ولا تستخدم لشخص آخر
ويتم التخلص منها بعد عملية التبرع بالدم.

طب وانا هستفاد ايه لما اتبرع ؟
______________________________________

" هتستفاد منه استفاده صحيه واستفاده معنويه , الصحيه تنشيط الدورة الدموية التقليل من احتمال الإصابة بأمراض القلب وانسداد الشرايين
* الأطمئنان على صحتك العامه من خلال فحوصات العينه التي ستحصل عليها بعد التبرع , اما معنوياً : لانك كدا عملت ثواب عظيم واحيت نفس ( مَنْ أَحْيَاهَا فَكَأَنَّمَا أَحْيَا النَّاسَ جميعا) ودي صدقه جاريه ثوابها عظيم عند ربنا
_______________________________________________________

انسان اول المتبرعين ها هتسبقنا للخير ! مستنينك :)

                                 الصفحة من هنا  

ليست هناك تعليقات:

إرسال تعليق

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...