منذ 3 شهور خميس - جمعه -- سبت قضيتهم في اسيوط كمحاضر عن جامعه النيل لتدريب الفرق المشتركة بمشروعات مبتكرة علي رياده الأعمال .
عاوز احكيلكم عن حد مميز ضمن 14 فريق رائد ورائع اتشرفت بالبدء في تدريبهم .
فيروز..
فيروز طالبة في تانية هندسة كهرباء جامعه اسيوط .. من اوائل دفعتها من اعدادي هندسة .
فيروز من قرية جنب أحد مراكز اسيوط .. من اسره محافظة .. منتقبة .. في العشرينات من عمرها .. بتاخد مواصلات لمده من ساعتين لتلاته عشان توصل الجامعة وزيهم عشان تروح .
فيروز صممت نظام اضاءة معتمد علي الطاقة الشمسية منخفض التكلفة (ربع تكلفة اللي موجود) وسهل الاستخدام والتركيب وصديق تام للبيئة وامن جدا وغير معقد ولا محتاج صيانة مكلفة وبيشغل نظام الاضاءة الاساسية في البيت فور انقطاع التيار وممكن يتعدل ان يعتمد عليه كمصدر بديل للكهرباء في المناطق اللي موصلهاش كهرباء.
السبب الاساسي ان الكهرباء في القري اللي في الصعيد عموما وحوالين اسيوط خصوصا - عشان احنا متجاهلين الصعيد تماما - بتقطع كتير وبالذات في موسم الامتحانات وهي شخصيا اتعرضت لكده في ليله امتحان ما ومن هنا جاتلها الفكره.
ملحوظة اضافية : فيروز خريجة محو أمية .. مدخلتش مدارس زي الاطفال وهي اللي علمت نفسها بنفسها لحد مابقت من اوائل هندسة .
د. تامر عبد العزيز
د. ماجدة غنيم
ليست هناك تعليقات:
إرسال تعليق