الثلاثاء، 29 أبريل 2014

بالفيديو صرخة أهالي أسيوط من ارتفاع الأسعار وسوء السلع التموينية



 ارتفعت في الآونة الأخيرة أسعار المتطلبات الأساسية للفرد، وسادت حالة من الغليان والغضب بين أهالي أسيوط، وظل السؤال الذي راود الكثير منهم إلى متى سيبقى الحال هكذا.
 ومع الزيادة رصدت "بوابة القاهرة" آراء أهالي وتجار شارع بورسعيد أحد أهم المناطق التجارية بميدان المجذوب، للوقوف معهم عن أقرب الأمور التي من الممكن أن تخفض تلك الأسعار، وهل يفضلون دعم الحكومة العيني أم النقدي، حيث طالب بعضهم بالنقدي على أن يكون كافٍ لمتطلبات المعيشة وبعضهم أبقوا على العيني مع تحسين جودته.
في البداية قال محمود عمار:" غحنا عايزين الدعم العيني رز وسكر وكلنا على الله وياريت يزودوا لينا المعاشات".
وأوضح عمر شعلان :" الأسعار عالية علينا أوي والحكومة بتقول لنا الخامات غالية عشان كده لازم تعلي ولما نسأل عن المكرونة بيقولوا الدقيق غالي، ولما بنسأل عن الرز يقولوا المطاحن واقفة والعمالة غالية نعمل إيه بقى مع تبريراتهم الكتير".
وأضاف هاني جرجس:" إحنا عايزين دعم عيني أفضل لأن الأسعار بتزيد في السوق".
وتابع محسون علي:"المواطن بيستلم من الحكومة رز ميتكلشي دقداق ميصلحش للاستعمال الآدمي وكده يكون الدعم النقدي أحسن والمواطن يشتري من بره براحته  لان ازازة الزيت بتكلف الدولة 10 جنيه والمواطن بيبعها بخمسه جنيه، يعني بالخسارة عشان يشتري أحسن، والأسعار غالية لان التجار الكبار بيرفعوا الأسعار وبالتالي إحنا بنضطر نرفعها على المواطن اللي الله يكون في عونه".
واتفقت الرأي مني توفيق، قائلة:" اللحمة كل يوم بتغلي والفراخ والسمك والحياة صعبة والفلوس مش بتكفي نشتري حاجه أفضل لو الحكومة هتدي الدعم نقدي ويكفي احتياجاتنا، وكمان رز الحكومة مكتوب علية فاخر وهو نصفه تراب ومكسر ، وشهر بناخد الرز وشهرين مفيش وشهر ناخد الزيت وشهر لا والبقال بيقول الشهر دة مجاش الرز ونطلب من الحكومة أن تساعد المواطن".

هناء حسين

ليست هناك تعليقات:

إرسال تعليق

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...