بالصور.. معاناة أهالي حي السادات من صاحب عقار بشارع جسر السطان بأسيوط ومحافظ اسيوط يرفض التدخل علشان صاحب العقار طلع ليه قرايب مهمين ’’ حسبى الله ونعم الوكيل ’’

                             باقى الصور





 تقدم أهالي حي السادات بالعديد من الشكاوي يتضررون فيها من نفوذ صاحب إحدى العقارات بشارع جسر السلطان بأسيوط، لاستيلائه على 4 أمتار من الشارع مستغلا نفوذ نجله المستشار.

ورصدت كاميرا بوابة القاهرة عدة صور لبروز العقار المذكور عن باقي البنايات بالشارع، ووجدنا الجميع ملتزم بالصف، إلا هذا العقار الذي يستولي على 4 أمتار من عرض الشارع.         وقال محمد سيد، صاحب عقار مجاور لأصحاب الشكوى، إنه تقدم بشكوى إلى محافظ أسيوط، وحرر محضرا بقسم ثان أسيوط، ثم شكوى بحي غرب ولا حياة لمن تنادي, حيث أن صاحب العقار خرج بـ 4 أمتار بعرض الشارع ببروز واضحة عن جميع البنايات المجاورة، مستغلا بذلك نفوذ نجله المستشار بمجلس الدولة, وتسبب ذلك في اختناق الشارع وحجب الرؤية عن الأهالي.

 وأوضح الحاج عمار محروس من سكان المنطقة:" إحنا هنا مش عارفين نتحرك من ضيق الشارع وإحنا قدام مستشفى الحميات، والسيارات مش عارفة تتحرك من الخانقة اللي حصلت لما صاحب البيت خرج لمسافة 4 متر من الشارع ومحدش عارف يمنعه ولا يوقفه". 
ووافقه الرأي فوزي حمودة، صاحب ورشة قائلا:" إحنا هنا البيوت كلها صف واحد والشارع عرضة 10 متر وكمان فيه مستشفى، وورش، ومحلات أكل عيش، ويادوب الحالة ماشية بالعافية، والدنيا زحمة لوحدها، والعملية مش ناقصة فيجي صاحب البيت ويستغل نفوذه ويخرج بالعمارة بتاعته 4 متر من الشارع ويسد علينا الشمس والهوا ويخنق الشارع ومحدش قادر يعمله محضر رغم شكاوي جماعية كتير لكل المسئولين ومفيش فايدة وحسبنا الله ونعم الوكيل".

هناء حسين