باقى الصور
قرى تهدد عرش الرئيس القادم.. وهي الأكثر فقرا بمحافظة أسيوط، يكمن خلف أبوابها الجهل والثأر والمرض أقل ما يوصف عنها أنها تعيش في فقر مدقع ولا يعرف عنها المسئولين. وكانت قد علمت بوابة القاهرة أن اللواء إبراهيم حماد المحافظ، سيتفقد معظم القرى والمراكز الأكثر فقرا بالمحافظة ليستمع لشكواهم ويحاول أن يتخذ الإجراءات السريعة لحل ما يمكن حله، قبل الانتخابات الرئاسية المرتقبة، للوقوف على واقعها، ووعود سريعة لأهلها وذلك لحثهم على التصويت في الرئاسة، في محاولة منه لبث الثقة في نفوس الأهالي في الحكومة الحالية، ليكون على خارطة الحكومة المستقبلية. ومن ضمن القرى التي يستعد المحافظ لزيارة قرية المسعودي التابعة لمركز أبو تيج اليوم الجمعة، وذلك للوقوف على حالها، حيث تعد من أكثر القرى فقرا، ويعتمد أهلها على الزراعة، ومنازلها عتيقة جدا بها مدرسة ابتدائية وإعدادية فقط. وقال حنفي محمود:" القرية فيها مخبز واحد بس بيخدم أكثر من20 ألف واحد سكان فيها وكمان فيها وحدة صحية صغيرة، ومن غير خدمات، ومفهاش قطن وشاش، أبسط حاجة المفروض تتوجد لو عيل من ولادنا اتصاب يطالبوه إنه يجيبهم من بره الوحدة، وكمان مفهاش دكتور ولا موظفين بعد الساعة 2 الضهر بحجة الظروف الأمنية، ومعندناش بيارات للصرف، والمجاري بتغرق الشوارع بتاعتنا وبنشرب ميه ملوثة". وأضاف محمود علام مدرس:" 80% من سكان القرية عايشين تحت خط الفقر المدقع معندهمش الأساسيات ولا حتى وسيلة ترفيه واحدة، ومتطلبات الحياة العادية مش موجودة وكان فيها من 20 سنة حضانة للأطفال اتقفلت ومحدش عارف السبب، والغريب إنها مفيهاش نت لكن مفيش بيت إلا وفيه دش، وعشان نجيب الخضار لازم نروح المركز يعني أكتر من 10 كيلو في عربيات نص نقل حاجه كده زي بتاعت نقل البهايم". وعلق الحاج بدوي عثمان من كبار أهالي القرية:" إحنا بنعتمد على العصبيات يعني كل عيله ليها المرشح بتاعها اللي بيخدمها لما تدخل قسم الشرطة، ومش بنعترف بأعضاء الحزب الوطني دول، وعشان مفيش نقطة شرطة فيها بس فيها عمده، عشان كده غياب الشرطة والأمن بيخلينا نعتمد على اللي بيسموه الكبير بتاع كل عيله". وتابع :"لن بقى بالنسبة للمسيحيين في القرية دول بقى بيعتمدوا على الكنيسة وبيخدوا منها تعليماتهم اللي يمشوا بيها أمورهم ، وهما كده من الواضح عندهم توجيهات بترشيح السيسي، لكن كل القرية بتتعاطف مع اللي حصل في رابعة، ومعندهمش اهتمام بالانتخابات الرئاسية خالص وفي الاستفتاء على الدستور اللي عدى محدش من أبناء القرية راح خالص للصناديق، بحجة إحنا مالنا ومال الدستور لأن من الآخر معظمهم ميعرفش يعني إيه دستور من الأساس".
هناء حسين
ليست هناك تعليقات:
إرسال تعليق