صحافة المواطن .. إهمال الأطباء وإنعدام الضمير .. بالصور طبيب مشهور باسيوط يتسبب فى تشوه مولود من غير عينين وبودن وخصية واحدة والقلب ضعيف والنفس ضيق و6 اصابع فى اليد والامعاء كلها بره .. والدكتور لوالد الطفل المشوه .. اعترضوا بقى على أمر ربنا

انا مكنتش هنزل الصوره دى بس الصراحه الموضوع ده استفزنى جامد
دى صوره المولود اللى بنحلم بيه و مستنيه بقالى ٩ شهور والمفروض انى متابع مع دكتور من اكبر وامهر الدكاتره فى اسيوط وكل شهر يطمنا الولد سليم الولد زى الفل واكتر حاجه الواحد ميبخلش عليها هى الضنا ويعلم الله احنا كنا ازاى بنتصرف فى مصاريف الكشف والمتابعه عند حضرته عشان نطمن علي الجنين من الشهر الرابع ابتدى يظهر قالنا انه بنت فى الشهر السادس قال لا ده شكله ولد طب حضرتك عرفت ان فيه حاجه غريبه حصلت اشاعات السونار هتبين ان الجنين فيه حاجه وبعد ٩ شهور كان مصمم ان مراتى تولد فى المستشفى الخاص اللى تابع ليها قولتله حضرتك انا مقدرتى المستشفى الجامعى قال لا وفضل مصمم على رائيه حاولت اتصرف من هنا ومنها قدرت اجمع تكاليف القصر العينى بس قسم خاص يعنى اهتمام برضه فضل يقول لمراتى استحملى بقى القرف اللى هتشوفيه هنا وزى ما يكون عارف ان المولود فيه حاجه وكان عايز يداريها فى المستشفى اللى تبعه ونزل الولد زى ما حضراتكم شايفين كده من غير عينين وبودن واحده وخصيه واحده والقلب ضعيف والنفس ضيق وكل ايد فيها ٦ صوابع والامعاء كلها بره بنقول لحضرته ايه ده يادكتور معقوله مكنتش شايف كل التشوهات دى فى الاشعات اللى بتعملها قال بكل برود ده غلطه والكل بيغلط عادى والناس اتلمت حوالينا ازاى يا دكتور ده اصغر دكتور دلوقت بيفصص الجنين من صباع الرجل للشعر سكت ليه عليهم كل ده ما كانوا نزلوه من اول ما اكتشفت ان فيه تشوهات فى الجنين قال اعترضوا بقى امر ربنا طب هنوديه فين الولد ده مفهوش نفس قالنا يقعد على الاكسجين لحد ما يلاقوا حضانه فاضيه ويتحط فيها ويتعرض بقى على دكتور قلب ومخ واعصاب ورمد وجراحه وتجميل
طب مش حرام الولد يتبهدل ويبهدلنا معاه كده حسبى الله ونعم الوكيل واللى مش مصدقنى انا سبت الولد هناك فى الحضانه عشان مش لاقى حل ولا اتصرف ازاى واغلبيه الدكاتره قالولى احنا نلحق ندخل الامعاء وبعدين نحاول نشوف الباقى روح ادفع رسوم عمليه جراحيه كبرى بسرعه روحت لقيت المبلغ كبير عليا
وظروفى على قدى اولاد الحلال قالولى اعمل تأمين صحى وخليه تبع التأمين وعلى بال ما هروح واجى يكون امر الله نفد
حد يقولى اتصرف ازاى مع الدكتور ده بعد ما اخد فلوسه كامله وكان عايز تانى عليها عشان مكنش متفق معانا على القصر كان متفق مع مستشفى تانيه عشان يخليه يدخل الحضانه اللى هناك وميتفضحش بس ربنا كبير
انا ابنى موجود دلوقت فى قسم الاطفال الدور التالت با اسم ابن حماده محمد بخيت للى عايز يحب يروح ويتأكد بنفسه من العمله اللى عملها واحد من اكبر دكاترة اسيوط حسبى الله ونعم الوكيل وياريت الكل يشارك موضوعى عشان محدش يغلط نفس الغلط اللى وقعت فيه ويخلى باله وميثقش فى دكتور فاقد لضميره زى ده
حسبى الله ونعم الوكيل وربنا قادر يورينى فيك يوم تتبهدل زى ما متبهدل

وذكر خال المولود .. الدكتور اللى ينتقم منه ربنا بحق تعب امه واللى هيا فيه وربنا يصبرنا اسم الدكتور وهوا معروف جدا فى اسيوط الدكتور اسمه علاء إسماعيل
وحسبى الله المنتقم الجبار ونعم الوكيل
محامى يعتدى على طبيب بمستشفي المرأة بجامعة أسيوط والعاملين بسلاحه المرخص لتأخر الطبيب المتابع لحالة زوجته
حماده بخيت