صحافة المواطن ’’ محمد صلاح ’’ بالصور والفيديو مياه سوداء فى مواسير المياه لأهالى منشأة خشبة بمركز القوصية باسيوط

أنا أساساً من قرية إسمها منشأة خشبة .. مركز القوصية .. محافظة أسيوط وفخور جداً بأهل قريتي فبالرغم من نسبة الفقر في القرية ولكنهم ماشاء الله مع الحق دوماً وعمرهم ما هللوا لمجرم ولا أيدوا ظالم والناس جميعهم علي فطرتها السليمة ... فوجعت جداً اليوم وأنا أشاهد هذه الصور لمياة الشرب التي يشربها أهالي القرية ... مواسير المياة بتطلع مية مجاري بالفعل ... يعني اللي كنا بنقوله إنهم هيشربوا الناس مية مجاري بالهزار بالأمس أصبح حقيقة اليوم ... شايفين منظر الصور .. متخيلين الناس هناك بيشربوا ايه ؟
أنا أناشد كل حر في كل مكان نشر هذه الصور والحديث عنها ....الناس لو شربت المية دي هتموت وهيجيلها أمراض الكبد وفيرس سي ... أنا والله في هذه اللحظات بخرج تماماً من الإطار السياسي وبتكلم فقط عن الإطار الإنساني البحت ... وشايف من واجبي لأهلي قريتي الأفاضل إني أطالب من الجميع حتي المختلف معه سياسياً إنه يرحم الناس دي ويحل مشاكل المية .. القرية فيها ناس غلابة جدا وممكن تشرب المية من غير متاخد بالها ... حسبنا الله ونعم الوكيل فى المسئولين عن شركة مياه اسيوط وعلى رأسهم محمد صلاح رئيس الشركة

احمد عبد الباسط