-------------------------------------
والجدير بالذكر أن أبرز إنجازات محافظ أسيوط الحالي هو تقسيم شوارع أسيوط إلي بايكات مقفولة بسلاسل وخوازيق حديد وبيعها للبهوات والقضاة والضباط ب ١٠٠ جنيه في الشهر .. يابلاش .. في الوقت الذي وصل فيه إيجار البايكة في أي جراش ٤٠٠ جنيه وتمن البايكة أكتر من ١٠٠ ألف جنيه .. البيه المحافظ عامل أوكازيون تخفيضات علي شوارع المحافظة اللي المفروض ملكية عامة والباشا بيقسمها ويهاديها لحبايبه .. المحافظ أبو قلب حنينمش هاين عليه إن الباشا من دول ييجي من شغله فلا يجد مكان لسيارة سيادته .. إيه الحل ناخد له حته من الشارع ونقفلها له بحديد حتي لو هو مسافر وعربيته معاه وباقي الناس تركن فين؟ مش مهم .. واللي هايشتري حاجة من أي محل يركن العربية فين؟ .. مش مهم.. ده غير قانوني .. كده هانزود الإختناق والتكدس والشارع هايتقفل بالعربيات اللي هاتركن جنب الحديد والخوازيق اللي سيادتك زرعتها في الشوارع .. مش مهم.. لعنة الله علي الغباء والأغبياء
أحمد مختار
ليست هناك تعليقات:
إرسال تعليق