ياناس ياهو احنا عايشين فى غابه
موضوع الطفل الى مات
وكمان الدكتور ضحك على اهل الطفل
وماضى على اقرار فى النيابه
انو يدفع 30الف جنيه واهل الطفل لحد الان محدش سال فيهم ولا طالو اخضر ولايابس
تخيالو كده ان الطفل ابن اى حد فينا ساعتها شعورنا هيكون ايه احنا عايزين حق مصطفى بالقانون ياترى حد هيسال فينا ولا الموضوع هينام زاى الف موضوع نام قبله
الباشا الدكتور واصل لدرجه دى طيب خليك واصل واحنا برضو واصلين بربنا
قصه الطفل الفقير الى حقه هيضيع مع المسؤلين عن الجريمه
اولا على لسان اهل الطفل
مصطفى عبدالمالك عليان عبدالمالك العمر 3سنوات
الاب متوفى ومصطفى فى بطن امه يعنى ابوه ماشفش ابنه
الطفل كان بيشرب عصير وكان بيلعب فى الشارع وبلاستك العصير(شالمو) دخل فى حلقه الطفل تسبب فى جرح بسيط فى الحلق
اهله اخدوه الى مستشفى ديروط العام الساعه 2بعدالظهر يوم 26/3/2017
طبعا المستشفى لم تستقبل الطفل كالعاده واخبرو اهل الطفل انهم يروحو عند دكتور خارجى
ولم يتم اسعاف الحاله حتى بالاسعافات الاوليه
وبالفعل الاهل راحو عند الجزار عبدالله احمد على طبيب انف واذن وحنجره واتفق معاهم على 350جنيه طبعا جد الطفل لم يكون معه غير 200جنيه واتسلف 150جنيه
دخل الطفل ولم يخرج غير ميت بسسب عدم الضمير من الدكتور
وبعدها الدكتور حول الطفل الى المستشفى بسبب وفاه الحاله عنده علشان يخلى مسؤليته من الجريمه والشرطه حضرت بالفعل اخدت الطبيب والاهل الى المركز
وحضرت ناس كبيره طبعا تابعه للدكتور علشان المساومه مع اهل الطفل وتم الاتفاق مع اهل الطفل على مبلغ 30الف جنيه
علشان معه ناس تقيله ومعه اتنين محامين من ديروط وقالو الى جد الطفل انت كدة هتخسر كل شئ الطفل مات ومش هتقدر تعمل حاجه مع الدكتور اتنزل عن المحضر واحنا هنعوضك بمبلغ كويس طبعا 30الف جنيه بالنسبه لراجل فقير حلوة والراجل خاف من الضغوط الى حوليه ولحد الان لم يتم استلام المبلغ مش دى المصيبه
انهارده متفقين مع جد الطفل انهم هيروحو ليه علشان يخلوة يمضى على ورق ويتنزل عن كل شئ وياخد الفلوس منهم شوفتو الناس رخيصه ازاى عند البشوات الى مسؤلين عننا
شوفتو قله ادب اكتر من كده
عاوزين حق ابننا حاكمو الطبيب
البقاء لله .. وفاة «نهاد» بمستشفى اسيوط الجامعى .. تدخل غرفة الولادة لاستقبال طفل بمستشفى خاصة بقنا لتخرج فى غيبوبة بعد جرعه بنج زائدة .. ويتم تحويلها الى مستشفى اسيوط لتفارق الحياه بسبب إهمال الأطباء .. التقرير الصادر من مستشفى اسيوط هينصف الطبيب ولا المواطن
’’ ليه كده ’’ بالصور تقرير مستشفى صحة المرأة الجامعى باسيوط يكذب أهل نهاد ’’ شهيدة الاهمال الطبى ’’ وينصف الطبيب المسئول عن إهماله .. ويدعى ان سبب الوفاة ليس بسبب جرعه بنج زائدة ولكنها مضاعفات بعد الولادة بالرغم من حملها الطبيعى فى السابق
ليست هناك تعليقات:
إرسال تعليق