صحافة المواطن ’’ حسام الفار ’’ بالفيديو معاون مباحث قسم ثان اسيوط يروع المواطنين ويهددهم بالسلاح بمنطقة الحمراء باسيوط

ده فيديو لضابط اسمه حسام عبدالعظيم وشهرته حسام الفار من مباحث قسم تانى اسيوط وطبعا الباشا نزل علشان كان فيه بلاغ لخناقه وكعاده القسم انه بيجى بعد ما الخناقه تخلص .. لما جاءت الشرطه كان بيتم الصلح بينهم وطبعا الظابط الهمام نازل بيستغل سلطاته وبابا غنوجه ونازل يشتم ويهين ف الناس وطبعا اللى اداهم الفرصه انهم يعملوا كده جبن وخوف الناس انما ف المرة دى وقع غلط لانه لما نزل وبيطلب البطاقه واتقاله ف العربيه فقاله طيب اركب العربيه يا .... ولما اترد عليه انه ميغلطش قال ... انا هربيكم والبسكم طرح يا شويه ... فكان المقابل انه خد اللى فيه النصيب فالباشا طلع سلاحه وعاوز يضرب بيه فى الوش وطبعا لولا ضابط معاه اللى باين ف الفيديو ماسك ايده فالطلقات طلعت ف الهواء وبدا فى ترويع المواطنين .. وبعدها مسك احد افراد العائله الاخرى اللى اجبرهم على كتابه محضر علشان يقدر يستفرد بيه ف القسم وده طبعا اللى معرفش يعمله .. المهم بقا يا ترى وزارة الداخليه بتحاسب ضباطها .. يا ترى الوزارة والمديريه عارفه ايه االى بيحصل فى قسم تانى اسيوط والحشيش والبرشام والاسلحه الناريه والبيضاء اللى فى ادراج الضباط جاهزه لتلفيق التهم للمواطنين ولا مش عارفه ولو متعرفش ادينا قولنا على الهواء واعتبروه بلاغ من المواطنين ..وللعلم تم تحرير محضر لمديريه امن اسيوط يا ترى هيتم الطرمخه عليه ولا هيتم التحقيق بالاخص بعد تدخل احد نواب البرلمان اللى باعوا ارض البلد ... حسام مصطفى