الثلاثاء، 20 نوفمبر 2018

البقاء لله .. وفاة شاب صدمه قطار مزلقان الأزهر بأسيوط




لا اله إلا الله محمد رسول الله لا إله إلا الله محمد رسول الله 
منذ قليل توفي ضحيه قطار مزلقان الأزهر بأسيوط محمد احمد فتحي حسانين ١٧ سنه من اسيوط بهيج .
انا كنت معدي من المنطقه دي وراجع من الجامعة والكبري بتاع المزلقان موجود بجانبه مكان للمشي عشان تعدي بعيد عن القطبان وفي خشب محطوط علي القطبان تقريباً للمشي برضو وفي ناس كتيير بتعدي في حته ديي وانا كمان ساعات بعدي فيها لغرض اختصار الطريق الي الموقف الحمدلله انا كنت اليوم ده كنت بفكر أعدي هناك بس مش عارف غيرت رأي وعديت من مكان تاني وانا معدي من المكان التاني وببص علي الطريق بتاعت القطبان لقيت شاب بيعدي عليها وبنصبص وراه لقينا قطر جاي بسرعة جداً مع ان بعد اقل من كيلو موجوده محطه والقطر هيقف فيها ولازم يكون مهدي من قبلها بكتير فا لما لقينا الشخص مش واخد باله انا والناس كلها صرخنا للشخص عشان يلحق يعدي الكبري بتاع القطبان ده قبل ما القطر يوصله الشاب أتفاجأ لما شاف القطر جاي عليه بسرعة من غير ماالقطر يعمل تلاكس أو اَي تنبيه انه معدي فا الشاب اتفزع لما شاف القطر جاي بالسرعة دي وبيقرب منه اول حاجة جري حوالي مترين بس لما حس انه مش هيلحق حاول يتفادي القطر فا انه يروح يمين او شمال ولكن القطر جاي بسرعة فا الشاب أتردد واتفزع فا مبقاش عارف يروح يمين ولا شمال فا القطر دهسه القطر خده تحت العجل بتاعه من اول عربه لغاية اخر عربه وعمال يزق فيه بالعجل لغاية مسافه حوالي ٨ متر أأنا جريت علي الشاب اول لما شفته بيخبطه مع اني كنت بعيد عنه ووصلت اول واحد للشاب بس لقيت القطر لوح راسه وقاطع ايده ومكسر جسمه ومنظر الدم بشع جداً الشخص اللي بيحرك القطبان ببص من اوضه التحكم وبيقول للناس هو ايه اللي حصله كمان في عساكر واقف مراقبه المزلقان وصلت بعد ١٠ دقايق من الحدثه والمفروض ان العساكر دي تراقب حركه القطبان وتنبه الناس المعديه و واحد من أصحابنا حس بنبض في الشاب رنيت علي الإسعاف مرتين مردوش ومحدش من الناس الموجودة بيعمل اَي حاجة وسايبين الشخص مرمي علي القطبان انا قلعت السويتشرت بتاعي وغطيته بيه عشان النظر وقعدت جمبه بدعيله ان ربنا ينجيه لغاية ما وصلت الإسعاف بعد لما حد من الشرطة رن عليها بس دا بعد تقريباً ٢٥ دقيقه من الحدثه كان الشخص توفي ...
انا معرفش الشخص دا بس انا حسيت انه اخويا او صاحبي وبكيت لوحدي كل لما افكار وانا بقلب في شنطته علي حاجة ليه ببص في الكشاكيل بتاعته والاقي خطه حلو ورسمه جميل مع انه في مدرسه التجاره انا بكيت جداً وكنت بترعش وانا بشوفه وبتخيل اني كنت عديت مكانه وبقيت مكانه والناس مش مهتمه بيا كدا ليه ليه ميكنش فيه غالق للممشي دي او تنبيه ان في قطر جاي مع ان في ناس كتير توفيت في نفس المكان ومحدش اهتم برضو ،،حسبي الله ونعم الوكيل 
الشخص دا بيقولوا انه وحداني ياريت كله يدعيله بالرحمه والمغفرة ..
ربنا يرحمك يامحمد ويدخلك فسيح جناته 💔
منقول ( احمد عماد )
الله يرحمك يا محمد ويصبرك ابوك وامك
ده ابن ابن عمى
وده وحيد لابوه وامه

عثمان محمد

ليست هناك تعليقات:

إرسال تعليق

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...