الاثنين، 30 مايو 2016

غضب بين أهالي أسيوط بسبب رفع رسوم النظافة


غضب بين أهالي أسيوط بسبب رفع رسوم النظافة
غضب بين أهالي أسيوط بسبب رفع رسوم النظافة
غضب بين أهالي أسيوط بسبب رفع رسوم النظافة

تسود حالة من الاستياء والتذمر الشديدين بين أهالي محافظة أسيوط، وخاصة بالمدينة وسكان حى غرب، من ارتفاع أسعار رسوم النظافة ومحاولة إجبارهم على دفع مبالغ مالية كبيرة تحت بند الضرائب العقارية ومنظومة النظافة رغم عدم تقديم الخدمة من الأساس على حد قولهم. 

ترصد "فيتو" في السطور التالية حالة أهالي أسيوط بعد مفاجأتهم بدفع رسوم نظافة بمبالغ كبيرة لسنوات متراكمة تخطت بعض الإيصالات من 500 إلى 1000 بحد أدنى 95 جنيهًا للشقة الواحدة في السنوات الماضية مع التهديد بدفع غرامات إضافية للتأخير أو الحبس لعدم الدفع وإجبارهم عليها على حد قولهم دون تقديم أي خدمات مما اعتبروه تحصيل "إتاوة".

يقول محمد رجائى، أحد سكان منطقة غرب البلد بشارع محطة المجارى: "إن محصلين تابعين للوحدة المحلية بحى غرب يجبرون المواطنين على دفع رسوم نظافة وما يسمونه بضرائب عقارية، على الرغم من عدم وجود نظافة أو حتى اهتمام الحى بتلك المناطق والسبب أنهم يعدونها ضمن العشوائيات".

ويتساءل "عم حسن" من سكان المنطقة القاطنين بها أيضًا: "نظافة إيه اللى بيتكلموا عليها وتحصيل رسوم إزاى ده اسمه فرض إتاوة لأنه مفيش خدمات أساسًا بيقدمها الحى لأهالي المنطقة والزبالة في كل مكان ومفيش حد لا بياخد ولا بيجيب حاجة، وعرفنا انهم غيروا رئيسة الحى.. ياريت اللي جاى يشوف بنفسه ويعملوا حاجة احنا معناش فلوس وهما بيقولوا يا الدفع يا الحبس.. نتحبس يا ناس عشان الزبالة اللى في كل حتة ومحدش من المسئولين عامل حاجة".

ويكمل عبد الرازق جلال عبد المجيد" " إزاى أقدر أدفع المبلغ اللى مطلوب منى ده وأنا مش عارف أجيب حق العلاج وجايلى فوق ال 800 جنيه احنا ناس غلابة كل حاجة دفع ومفيش خدمة لو عاوزين فلوس خدو من الناس اللي معاها مش تاخدوا من الغلابة وياريت رئيس الحى والمسئولين ينزلوا الشوارع بنفسهم يشوفوا الناس والفقر والزبالة المتراكمة في كل مكان من غير أي خدمات".

وينفعل محمد مصطفى من سكان المنطقة:"أقل رسوم جاية 500 جنيه وفيه 1000 رغم أن الناس اللى بتسكن المكان كلها تحت خط الفقر هتجيب من فين رسوم نظافة 1000 جنيه يعنى الغلبان اللى هنا يدفع مياه وكهرباء ولا إيجار سكن ولا نظافة ومفيش أي خدمات متوفرة لا نظافة ولا إضاءة شوارع مفيش أي حاجة من الخدمات حتى عربية الزبالة مفيش.. حى غرب خارج نطاق الخدمة وغرب البلد بالأخص... حرام فرض كل الرسوم دى الموظف ميقدرش عليها هيقدر عليها اللى تحت خط الفقر ولا هي إتاوة وخلاص.

يذكر أن رئاسة المدينة بأسيوط ومسئولى حى غرب قد أعلنوا سابقًا بأن الرسوم هي عبارة عن ضرائب عقارية وتشمل النظافة ورسوم تحصيلها لابد منها مع إعلام المواطنين بالسنوات الماضية المتراكمة... وقد أصدر محافظ أسيوط قرارًا بتغيير إدارات الأحياء ورئاسة المراكز

إيمان عمار


هناك تعليق واحد:


  1. للحصول على منزل نظيف فى اسرع وقت ممكن اتصلوا بنا فى افضل شركة تنظيف شقق بجدة
    اشهر شركة بالمملكة العربية السعودية وخبرة طويلة فى مجال التنظيف واسعارنا مناسبة للجميع اتصلوا بنا من اى مكان وسنصلكم فى الحال
    05567776140

    ردحذف

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...