السبت، 30 مارس 2019

بالصور بلطجية يعتدون على طالب جامعى باسيوط بالسلاسل والجنازير وتهتك فى مركز الحركة بالمخ


#كارثة 😲🕪..😢😢😢 #سعدوناااا نجيب حقه 
بسم الله الرحمن الرحيم 
#ارجوكم كملوا للآخر 
ده #محمد_مسعد ، عنده #١٨سنه
ف #كلية_تربيه_رياضيه تقديره #امتياز و من #اوائل الترم اللي فات و كابتن فريق كرة الطايره 
محمد الابن الوحيد لوالدته والده #متوفي من ٨ سنين 
مؤدب و خلوق و ف حاله #بشهادة كل اللي اتعامل معاه و كل مدرسينه و مدرساته و حتى دكاترة الكليه و المعيدين.
يوم الخميس ١٤ /٢ محمد نزل #يشتري اكل و قال يغير جو علشان كان لسه خارج من #المستشفى قبلها بيوم
( محمد عنده #سكر من النوع الأول)
لقى تجمع ف #الشارع افتكر الشباب بتهييص 
فجاءه التجمع قلب #خناقه و الدنيا اتقلبت
محمد بيقول اخر حاجه فاكرها انه في حد شده من ضهره و محسش غير #بالضرب نازل على #راسه حاول يخلص نفسه مش عارف و مش قادر و ماسكين فيه و ضرب ب #سلاسل و #جنازير و #طوب كل ده على #دماغه و هو حاطط #ايده على #وشه لدرجة ان واحد فيهم #ضربه #بمفتاح #موتوسيكل دخل #جوه #الجمجمه من كتر الضرب على دماغه بالطوب و هدومه انقطعت عليه و هو لابسها و نضارته اتكسرت ١٠٠ حته. 
كل م يحاول يهرب يشدوه و يضربوه كل ده و المفتاح مغروس ف #جمجمته، امين شرطه جري عليه وداه المستشفى ، عملوله اشعه مقطعيه و اخدوا أقواله و اتحول #القصر_العيني ف #أسيوط فورا وصل بالليل، جسم غريب ف دماغه و مضروب بوحشيه سكره علي جدا و درجة حرارته و حاولوا يحضروه للعمليات دخل عمليات تاني يوم و خرجوا المفتاح اللي كان عمل تهتك ف مركز الحركه ف المخ ، محمد خرج من العمليات فضل ف الافاقه ٣ ايام 
بعد العمليه دراعه اليمين كله مش بيتحرك، صعوبه ف الكلام، و نوبات صرع و تشنجات ربنا وحده اللي يعلم بيها 
محمد كل يوم كانت حاله بتدهور و نوبات الصرع و تقل اللسان بيزيد، عمل اشعه بالحقن بالصبغه على المخ ٣ مرات ف ٣ ايام ورا بعض و اللي جربها عارف المها و صعوبتها و كانت الصدمه.. محمد عنده خراج على المخ مكان دخول المفتاح و لازم يدخل عمليات تاني.. طبعا بواحد ف حالته النفسيه و سكره العالي و حساسية المكان الموضوع كان صعب بسبب احتماليه حدوث مضاعفات. 
يوم ٢٨ /٢ محمد دخل العمليات تاني مع احتماليه انه ممكن يخرج فاقد الذاكره و القدره على الحركه و انهم هياخدوا نسيج من رجله عشان يرمموا مكان التهتك.. اي ام تقدر تستحمل كل ده.. ابنها الوحيد اللي بتعدله الايام عشان يكبر و يشيل معاها الحمل بعد وفاة والده، احنا كنا بنموت ١٠٠ مره ف الدقيقه من الخوف و القلق.
و بفضل الله و دعوات الناس اللي تعرفه و اللي متعرفهوش محمد خرج، و فضل ف المستشفى و بمتابعة الدكاتره و حرصهم محمد الحمد لله بدا يتحسن و يتكلم و أملنا ف ربنا كبير انه يتمم شفاؤه على خير بإذن الله.
اللي عملوا كده ف محمد و لا يعرفهم و لا يعرفوه و عملوا كده فرد عضلات و بلطجه ، اتقبض على ٩ منهم و اتجددلهم 
خرج منهم ٣ على ذمة القضيه و اهاليهم هيعملوا اي حاجه عشان يخرجوا و محمد لسه محبوس ف سريره و تعبه و الاذى النفسي و الجسدي و معاناته
مع الألم وكسرة النفس اللي هما حكموا عليه بيها. 
اي حد كان ممكن يبقى مكان محمد و طول م الناس دي مش بتتعاقب المأساه دي هتتكرر مره و اتنين و عشره. 
- انا بس اولا بطلب منكم تدعوا لمحمد ربنا يشفيه و يرده سالم معافى احنا ملناش غيره ربنا قادر على كل شئ. 
- و ثانيا خلوا كل الناس تعرف حكايته و تعرف اللي حصله عشان حقه ميضعش. البلطجيه اللي عملوا كده لازم يتعاقبوا، لازم يدفعوا تمن اللي ضاع مننا حسرة و ندم في السجن و لو انه ده ميكفيش لحظه واحده من اللي عشناه و اللي بنعيشه.
لازم أهلهم يندموا انهم معرفوش يربوا و لو ان ده برضوا اقسم بالله قليل و الله قليل.
خلوا #حكايته تلف الدنيا عشان حقه ميضعش فعلوا ال هاشتاج ده 
#حق_محمد_مسعد_لازم_يرجع
#القصاص
#اقصى_عقوبه_للبلطجيه
#حسبنا_الله_و_نعم_الوكيل 💔
#المشاغبة
#شيماء_جمال

البقاء لله .. وفاة عامل من اسيوط فى حادث بالعاصمة الادارية الجديدة


الموت لا يعطي إنذار .. 
فلا أحد يعلم متي تكون الساعه 
أو اخر مكالمه أو لقاء😭 و الندم
لن يعيد الذي يرحل😭 الشمس تطلع والنجوم تغيب 
والصغير يكبر والكبير يشيب والدنيا تفرق 
والفراق صعيب والعزيز عزيز حتي 
الو كان بعيد ؟؟ 
توفي صديقي الغالي ؛؛ مايكل طلعت 
اول أمس في العاصمه الإ داريه في القاهره 
اسيوط .. الله يرحمك يا مايكل وربنا يصبر والديك 
واخواتك يارب علي فراقك
البقاء والدوام لله وحد

السيد عمران

الفنان أشرف عبد الباقى يقدم مسرحية ’’ كلها غلط ’’ فى جامعة أسيوط على مسرح النيل أيام 3/4/5 أبريل


مسرحية كلها غلط للنجم اشرف عبد الباقى فى جامعة أسيوط على مسرح النيل يوم 3/4/5 أبريل
للحجز و الاستعلام 
01016274594 
01004148355
اسعار التذاكر تبدأ من 100 جنيه

أمطار خفيفة ومتوسطة تضرب عدة مناطق بمحافظة أسيوط


ضربت موجة من الطقس السيئ مساء أمس الجمعة أنحاء محافظة أسيوط وشهدت بعض المناطق بحى شرق والقوصية وديروط بالمحافظة سقوط أمطار خفيفة ومتوسطة مما أدى لإعلان حالة الاستعداد القصوى بكافة الادارات تحسبا لأى طوارئ.

ومن جانبه شدد اللواء جمال نور الدين محافظ أسيوط، على الأجهزة التنفيذية ورؤساء المجالس المحلية برفع درجة الاستعداد القصوى والمكثفة فى جميع انحاء المحافظة وعلى الطرق السريعة والزراعية مع فتح المخرات وتشغيلها لمواجهة الامطار وتحسبا للسيول. 

كما أكدت شركة مياه الشرب والصرف الصحى جاهزية محطات الرفع ووجود سيارات لرفع مياه الامطار فى بؤر تجمع المياه. 

هيثم البدرى

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...