النهاردة وانا راجعة من المستشفى
ركبت التاكسي اللى في الصورة دة وواضح رقمه 4135 ي ص ج
وصاحبه اللى سايق برضه اللى في الصورة
المهم بطلع له الفلوس عادى( 5 ج )مسكها يقولى ايه دى؟ قلت له ايه يعنى
قالى دى بس من الشاملة ل م.الصدر
ومش عاجباه وعاوز زيادة قلت له دة كمان ليا باقي ومدياك بزيادة رماها في وشي 😕
اسيبهاله وامشي؟ لا طبعا قلت له ياللا مالكش عندى حاجة إلا 4 ج اجرتك الرسمية
نزل الباشا ووقف جنب التاكسي كدة وكانه ولا همه حاجة وكنت هكلم حد في التليفون ينزلى لقيته مفتوح عالكام
صورت الصورة الحلوة دى وهو فرحان بنفسه ويقولى أهو رقم التاكسي
دخلت السوبر ماركت وكلمت صاحب السوبر ماركت وبقوله في واحد كذا كذا برة واهى 4 ج اديهاله ولسة هو طالع كان بتاع التاكسي جاي علينا
الرجالة بتقوله ايه اللى حصل بيقولهم الآنسة مش عاوزة تدينى الأجرة بتقول مالكش إلا 4 (((اللى هي أجرته اصلا 😕 ومدياه اكتر وعاوز بزيادة ))))
بقوله كداب مارضيتش باللى اديتهولك ورميتها
بيقولى عيب تقولى ل راجل كداب 😂 قلت له كداب
المهم صاحب السوبر ماركت اد اله الفلوس ولقيت بتاع التاكسي بيهددنى أن ما اشتكيش ويقولى عارفة اذا اشتكيتى معرفش بيلمح لايه ☺
انا بقولك اذا اتكعبلت في طوبة هتكون انت السبب
--------------------------------------------
برافو ..مباحث المرور ..دكتوره تستقل تاكسي وعند نزولها من السياره اخرجت اجره 5جنيهات اكثر من التعريفه المقرره فما كان من البيه السائق قذفها بوابل من الالفاظ النابيه وهددها في حالة الشكوي ..ولكن الدكتوره كانت ايجابيه واتصلت بمباحث المرور ..علي الفور تم القبض علي المذكور وتحرير المخالفات اللازمه له ...وفي اتصال هاتفي مع العقيد احمد عيد عبد الجواد ..قال لابد وان يكون المواطن ايجابي والابلاغ عن اي مخالفه لاي نوع من انواع المواصلات سوا تاكسي اوسيرفيس .. ومن جانبه ايضا اضاف انه تتم حملات يوميه في المواقف والشوارع وضبط السيارات المخالفه ..ولايوجد احد فوق القانون الجميع سواسيه امام القانون ..شكرا للعقيد احمد عيد عبد الجواد رئيس مباحث المرور لاستجابته السريعه ..والشكر لقائد المنظومه اللواء جمال وهبه مدير ادارة المرور باسيوط
ناصر على
ليست هناك تعليقات:
إرسال تعليق