ده عنكبوت او حشرة ما في سندوتش من جاد اسيوط ....
او لما شوفنا العنكبوت عايم في مايونيز السندوتش، رجعنا للمطعم واتكلمنا مع المدير ....
اخدناه علي جنب و قولناله (اتقي ربنا في الناس واهو سندوتشك)....
الاول مكنش عاجبه الكلام و قالنا انتو شايفيني بظلم حد و كدة ، بدات ارفع صوتي عليه وقولتله انا اخدتك علي جنب عشان معملش شوشرة ، انا بقولك اتقي الله وبس ...
المهم بعد كلام مش كتير كان عايز يعشينا في المطعم عشان منتكلمش وكدة ...قولتله انت فاهم انت بتعمل ايه !!
قالي يمكن نفسك مجتش علي الاكل الشعبي وقرفت والفول والفلافل وكدة ...
بدات اعلي صوتي اعلي وقولتله تاني انا مرجعتش غير عشان اقولك اتقي ربنا وبعدين انت فاكر اني هاكل عندك تاني...
يعني كمان مش بيهتموا بالنضافة ومقتنعين ان ده عادي وان المكان مفتوح فيحصل ان الحشرات تبقا مرافقة للاكل في اي مطعم بس، لا وكمان شوية اوساخ وفاكرين كل الناس زيهم ...
أبوبكر محمد
انا مرة اكلت ساندويتش بطاطس من مطعم جاد فى اسكندرية فرع محطة الرمل بجانب سينما فريال وكان بالمايونيز وبعد ما اكلت نصف الساندويتش اكتشفت انه مليان صراصير ميته تقريبا اتقلت فالزيت بتاع البطاطس او ماتت من سخونية البطاطس والمايونيز وجالى انهيار عصبى وعييت من المنظر ال شوفته اقسم بالله ما بكدب ولا بالف عشان انا مش حظلم حد اتحاسب عليه بس للاسف كنت رميت الكيسة والورق بتاعة فمكنتش اقدر ارجع ابهدله ولا اعمل فيه محضر .... بجد ال مش بيتقى الله فى شغله وخاصة فى حياة الناس انشاء االه ربنا حيلعنه دنيا واخره وحسبى الله ونعم الوكيل لانه مطعم كبير مش حد اى كلام امال المحلات المجهولة والعربيات الضاله فيها ايه تعابين .
ردحذف