إنتشرت فى الايام الماضية حالة من الإستياء والغضب الشديد، من قبل بعض اهالى حى غرب بسبب ظاهرة ايصالات النظافة مرتفعه الاسعار ، مما أحدث حالة من الإرتباك والفوضى، وأيضاً حدوث بعض المشاجرات الشبه يومية ما بين بعض المواطنين والمحصلين.
إستقصت أخبار بلدنا نت الأمر فى الشارع، وطرحت السؤال على المسئولين فى هذا القطاع الذى يردده المواطن البسيط عند سداد هذة الايصالات ، ما هى ايصالات النظافة واين النظافه التى تدفع على ايصالات الكهرباء.
قال : محمد سمير احنا شباب بنعانى من قلة الشغل وفاتح محل بقالة كل البضاعه الى فية 2000 جنية و جاى موظف من الحى بيقولى عاوز منك 650جنية للنظافة لية هيا الحكومة مش لقية غيرنا احنا للشباب للفقراء فين هيا النظافه.
وأضاف احمد رجب احنا فى حى غرب بنعانى من حاجات كتير المسئول ميعرفش مكانة فين غير لما يكون عاوز فلوس او مشكلة او مصيبة احنا عندنا فى غرب مشاكل كتير المية ضعيفة ونور الشوارع مش موجود والشوارع مليانة زبالة وجاى موظف الحكومة عاوز مننا فلوس نظافة اهتمو بالحى شوية ولا عشان احنا ناس غلابة.
وأضاف ضياء عبد الغنى انا جالى 1300 جنية لية وفين النظافة دى حرام هو دة المساعدة للشباب الحكومة بتاخذ فلوسها من الغلابة يشوفو الناس الاغنياء فى حى شرق الى عربيات النظافة موجود هناك على طول واحنا مفيش صندوق نرمى فية الزبالة وعاوزين فلوس نظافة لية.
وقالت هويدا رئيسة حى غرب دة موظف من المجلس وبيجمع وصلات النظافة المتاخرة منذ 2010 وبسوالى لها وهو فية وصولات نظافة النظافه على ايصال الكهرباء رد ايوة هنبدا من اول الشهر دفع لكل وصل خمسة جنيهات هيبقا على وصل الكهرباء وبسوال لها الناس بتعترض على الدفع لان مافيش نظافة قالت هيدفعو لازم .
محمد رجائى
ليست هناك تعليقات:
إرسال تعليق