الثلاثاء، 7 يونيو 2016

حوادث الطرق أخطر من الحوادث الإرهابية .. 3 يوليو موعد الحكم فى حادثة طالب التجارة باسيوط .. وشقيقه يطالب القضاة بعقاب الجناة وعدم الاستهتار بأرواح الناس




صباح جميل على كل اسيوط ، و كل سنة و احنا كلنا طيبين فى اول يوم رمضان ،، يوم 3 يوليو ميعاد الحكم فى قضية ..وائل كريم .. اللى بطلب من كل واحد يعرف القصه يشيرها عشان الكل يعرف انها بلد معارف و مراكز و فلوس ، و الاستهتار بارواح الناس ما لهوش حساب و بيتقال عليه .. قتل خطأ .. و تبقى الحادثة لابسة الشخص المتهم و يلعبوا فى ورق القضيه و يطالبوا بالبراءة لشخص مستهتر بيلعب بالعربيات فى الشوارع اللى فيها الناس خارجة تفك عن نفسها شويه ، و تبقى اخرتهم على ايد واحد ما شالش فى حياته اى مسؤليه ،، عزيزى القارئ لو الشخص الجانى اخد برائه ما تضمنش الدور اللى الجاى مين هيكون فى الحادثة اللى بعدها ممكن صاحبك او حد قريب جدآ زى اخوك ،، الشخص ده اخد اخونا ،، شاب متميز فى كلية تجارة تانية ، يعمل فى السياحه من عمر ١٦ سنة ،، يراعى ام واب مسنين ،، راجل يعتمد عليه كل افراد العيله اللى انكسروا كلهم بعد ما مات ،، مؤمن كريم

الحادث كان يوم 21/1/2016
والمحكمة حكمت بسنة واحد
يوم 3/7/2016
الواد عامله استئناف
وهو ولا اتمسك ولا اتحبس حتي ساعة واحد
علشان ليهم معارف
واتصلت

واحنا خايفين في الاستئناف يطلع علي مفيش ويضيع حق اخونا
عربية 128
يعني صاج برميل
حديد مصفح

ازاى  تبقي زي علبة الكبريت كدا
في ناس بتقول كانوا ماشيين علي سرعة اكتر من 180
ده اهمال

وفي الاخر تحكم بسنة
بلد كوسة ومعارف
واحنا هنوصل قضية اخونا لأعلى حاجة

ومش هنسيب حقه يضيع

مدحت كريم

هناك 3 تعليقات:

  1. لو حقق مجاش هعرف اني يسوع هيجبهولك

    ردحذف
  2. انشاء اللة حقك مش هيضيع يا خويا

    ردحذف
  3. يسوع يجبلك حقق ربنا يرحمك

    ردحذف

البقاء لله .. وفاة طالب كلية حربية من اسيوط متأثرا باصابته فى حادث .. القبض على موظف ببترول اسيوط قتل طفل بالخطأ بسيارته وهرب مسرعا

لقى طفل مصرعه، متأثرا بإصابته بكدمات في الذراع ونزيف داخلي بالمخ، بعد أن صدمته سيارة ملاكي دايو لانس بطريق قرية علوان وفر صاحبها هارب...