الحادثة دي حصلت من حوالي اسبوعين ..
صيدلية أخويا " أستاذ جامعي " .. فى أكبر ميدان عندنا فى البلد اتسرقت ..
أول رد فعل حصل أن محدش يلمس حاجة .. الشرطة و خبراء البصمات جاين حالاً .. أحنا هنروح نعمل محضر والعدالة هتاخد مجراها بمنتهى الحزم .
روحنا من الساعة 8 صباحاً للساعة 4.30 عصراً مستنين العدالة تاخد مجراها .. يحن قلب ظابط المباحث علينا فى النهاية ويقابلنا .. فنقوله الصيدلية أتسرقت سعادتك .. حد كسر الحيطة الخلفية ليها ودخل
فيكون رده تمام تمام .. صورلى الفتحة الى دخل منها على موبيلك وخليها معاك ..
أزاى يعنى ؟ يعنى حضرتك مش هتعاين و بصمات وخبراء ؟
فيكون الرد بكل سخرية .. هاهاهاهاها أنت شكلك بتتفرج على مسلسلات كتير .. أحنا عارفين شغلنا
من وقتها ولا حد جه ولا اتعمل أي حاجة .. ومن وقتها يوميًا محل بيتسرق ومحدش عارف ده مين ولا عارف يوصله، ويوميًا بتتعمل بلاغات ومحاضر وبتتحط فى الأدراج
بعدها بـ أسبوعين نفس الحرامي يكرر سرقة الصيدلية .. بس حظه المرة دي إن فيه كاميرات جديدة ركبناها صورته ..
تمام كده يا رجالة .. محدش يلمس أى حاجة دى جريمة مكتملة الأركان ، الشرطة والخبراء جاين .. فتروح تقدم الفيدوهات و الشرطة تقولك للأسف مش عارفينة .. سيب لنا الموضوع ده وأحنا هندور عليه
فـنروح نلف على الناس وندور بنفسنا على الحرامي لحد ما نعرف طريقه ونروح نجيبة من بيته بالمسروقات وبالبس الى كان بيسرق بيه .. وتسلمة لمركز الشرطة من غير ما نمد ايدنا عليه ..
أول سؤال يسأله الظابط , أنت أتسرق منك كام ؟
_ أتسرق 20 الف يا فندم ..
فيرد الظابط ..
_ نعم !!! 20 الف ليه, أنت فاتح صيدلية ولا شركة أدوية ؟
لا حضرتك فهمت غلط .. أنا المجنى عليه .. الى قدامك فى الناحية التانى ده الجانى .. جايبلك فيديو وبقولك فيه حرامي سرق مكان .. أنت بتحقق معايا أنا ولا معاه هو ؟
فيكون رده : أنت هتعرفنا شغلنا .. أتفضل بالسلامة لما نعمل تحرياتنا نبقى نكلمك
تحرياتكم !!
تفتكر الموضوع خيال علمي ؟ أو الحكاية كدة أنتهت ؟ لا الحكاية بدأت .. لما روحنا نسال عن المحضر ونشوف الدنيا وصلت لـ أيه .. الظابط يقولنا للأسف الحرامي هرب
نعم !!!
أه للاسف .. بس متقلقوش هنجيبة من تحت الارض ...
لا ساعدتك أحنا مش قلقنين خالص
.يعنى أنت معتقد أنك كدا بتحميه ؟!
بتقول إنك بتحارب البطلجة والإرهاب وأنت اللي بتصنعهم وبتسرَّح رجالتهم .
- كل وأحد من أصحابى هاجر البلد دى كنت بتضايق جداً على فراقة .. لكن الوضع الحالى فى البلد يخليك تكفر بيها
فيديو الـسرقة مرفق مع المنشور .. أسم الحرامي : حمادة السيد إبراهيم من أبنوب أسيوط
الحرامي هارب حالياً من مركز الشرطة تخيل ! :D .. ممكن حالياً يكون بيسرق فى أسيوط أو المنيا أو حتى القاهرة .. حاول تعمل شير للبوست ده , يمكن أنت تكون السبب أننا نوصله اوأن صوتنا يوصل
----------------------------------------
سادت حالة من الغضب بين أصحاب المحال التجارية والصيدليات بمدينة ديروط بأسيوط بعد قيام لص بهدم حوائط محالهم وصيدلياتهم الكائنة بنادي ديروط الرياضي وسرقة محتوياتها.
وكشفت كاميرا مراقبة هوية اللص خلال هدمه حائط صيدلية وسرقة مبلغ 20 الف جنيه وتحطيم ادوية تقدر بمبلغ 100 الف جنيه وتمكن الاهالي من التعرف على اللص وضبطه وتسليمه لمركز شرطة ديروط ولكنه تمكن من الهرب من داخل مركز الشرطة بعد ايام من ضبطه.
وقال الدكتور أحمد شوقي غانم مدرس بكلية صيدلة جامعة أسيوط وصاحب صيدلية كائنة بسور نادي ديروط الرياضي انه في 25 يونيو الماضي فتحت الصيدلية حوالي الساعة 8 صباحا فوجدت ثقبا في الحائط الخلفي للصيدلية من جهة نادي ديروط الرياضي وتحطم الصيدلية من الداخل وسرقة 50 الف جنيه تخص احدى شركات الادوية.
وتابع: قمت بتحرير محضر بمركز الشرطة ولم يتحرك فريق المباحث لمعاينة موقع السرقة وبعد الحادث قمت بتركيب كاميرات مراقبة داخل الصيدلية وبعد حوالي شهر وتحديدا في 31 يوليو الماضي تكرر الحادث حيث قام لص بثقب وهدم الحائط مرة اخرى وسرق مبلغ 20 الف جنيه وحطم وحدة امبولات ادوية تقدر بملبغ 100 الف جنيه وقمت بتفريغ كاميرات المراقبة وعرفت اللص ويدعى " حمادة .س .إ " من قرية ابنوب الحمام ويقيم بمدينة ديروط وتمكنا من ضبطه وقمنا بتسليمه لمركز الشرطة واعترف بارتكابه الواقعة وسرقة المبالغ المالية.
وأضاف شوقي انه فوجئ بعدم تحرك مركز الشرطة او النيابة العامة مؤكدا انه ذهب بعد 5 ايام من ضبطه الى النيابة العامة للسؤال عن المحضر وأكد له وكيل النيابة ان المحضر لم يذهب من مركز الشرطة الى النيابة العامة وتوجهت الى المركز وعلمت ان المتهم هرب من حجز وحدة المباحث .
ونوه شوقي الى انه قام بارسال بلاغات الى رئيس الوزراء ووزير الداخلية والنائب العام والمحامي العام لشمال أسيوط ومدير فرع الامن العام بالمحافظة ولكن دون جدوى .
وأوضح أسامة جمال عبد الكريم مدرس بمدرسة منشية ناصر الاعدادية وصاحب محل موبايلات بسور نادي ديروط الرياضي ان اللص قام بسرقة نحو 8 محال تجارية بسور النادي وجميع جرائمه نفذت بنفس الطريقه من داخل سور نادي ديروط الرياضي مستخدما ادوات الثقب من داخل النادي لهدم حوائط المحال التجارية ، مستنكرا موقف ادارة النادي خاصة ان اللص كان يجلس دائما على الكافيتريا داخل النادي وبعد ذلك يقوم بعمليات السرقة من داخل النادي .
وأضاف جمال ان عددا كبيرا من أصحاب المحال التجارية الكائنه بسور نادي ديروط الرياضي حرروا محاضر سرقه ومنهم الدكتور أحمد شوقي غانم صاحب صيدلية حرر محضرين رقمي 16556 جنح ديروط و 17449 جنح ديروط لسنة 2016 ومحمد عبدالمنعم عبد العال حرر محضرا رقم 4140 لسنة 2016 .
واتهم جمال ادارة نادي ديروط الرياضي بالاهمال والذي تسبب في سرقة عدد كبير من المحال التجارية والصيدليات من داخل النادي.
ومن جهته قال صلاح ابراهيم مدير نادي ديروط الرياضي ان هذه المحلات الكائنة بسور النادي مؤجرة منذ السبعينيات وايجاراتها تتراوح بين 19 جنيها و30 جنيها شهريا وليس من اختصاص ادارة النادي تأمينها من السرقة ، منوها بأن الموضوع في مباحث مركز ديروط وتقوم بالتحقيق فيه.
ليست هناك تعليقات:
إرسال تعليق