الثلاثاء، 24 يناير 2017

سيناء تنزف .. البقاء لله .. استشهاد مواطن من مركز البدارى باسيوط فى اطلاق نار عشوائى بالقرب من محل عمله من الامن جنوب العريش


مقتل الشاب "محمود فراج محمد أبو حراز" ١٩ عاماً اثر اطلاق النار عليه من قوات الأمن بشكل عشوائي وذلك عند المنطقة الصناعية جنوب مدينة العريش..

محمود من صعيد مصر بمركز الببدارى باسيوط ومقيم بمدينة العريش.. على رغم صغر سنه لكنه بيشتغل ومعتمد على نفسه..
محمود كل ذنبه انه شغال في ورشة رخام قريبة من كمين توتال .. اليوم بعد العصر الكمين كان بيضرب عشوائي طلقة جت فيه قضت على حياته..
أهله من ساعتها راحوا يستلموا الجثة فرفضوا تسليمها وقالولهم: هتستلموها بعد ما النيابة تيجي
-----------------------------------------

هذان شابان فى ريعان شبابهما الاوال محمود فراج والثانى محمود عنتر الاول قتل فى سيناء برصاص الامن ودفن بالامس والثانى قتل فى سيناء برصاص التكفيرين الاول ابن ابن عمى من البدارى والثانى من اعز اصدقاء ابن اخى من ساحل سليم ما الفرق بين الاثنين لاشى الاى انهم ماتو فى نفس المكان وفى نفس اليوم الاول كان يعمل فى سيناء والثانى مجند فى سيناء والاثنين اولادنا واحبابنا من قتلهم انا لااشك فى ان يد الغدر تمتد من مكان واحد للكل ولايجب الاى يحاسب فى هذا البلد الاى انسان واحدعلى قتل اولادنا كلمه تسمعها من ام الاثنين الاى وهى حسبى الله ونعم الوكيل 

حسبى الله ونعم الوكيل فى من تسبب فى مقتل اولادنا
-----------------------------------------------

والله الواحد مش عارف يبدأ من فين ولا فين شاب زيه زى اى شاب حابب يشق طريقه يكون نفسه بنفسه سافر واشتغل وحارب مع الأيام وقرر يسافر بس يسافر جوه مصر بلده مش دوله تانى اخد شنطته وتوكل على الله وسافر العريش واشتغل فى ورشه رخام وربنا كرمه وفرح اوى لما عرف ان جنب الورشه كمين داخليه افتكره ده امان ليه بس للاسف ميعرفش ان الكمين بيضرب ضرب عشوائى يعنى لوكان قدامه ويدافع على العسكرى المصرى بكل روحه ميعرفش انى العسكرى لو لقيه قدامه يعمله نشال هوه وزمايله يرضى مين ده ميرضيش ربنا والله وفى أحد الأيام وبالتحديد يوم السبت تلقى أحد اقارب هذا الشاب اتصال تلفونى من أحد العاملين الورشه بان ابن أخيك اصيب بطلقه ناريه من الكمين إلى امام الورشه وتوفى فى الحال ده يرضى مين ده كان فاكر الكمين امان ليه بس للاسف الحكومه ضد الشعب مش ضد الإرهاب ضد اكل العيش ضد اى شاب عاوز يشق طريقه ورجع هذا الشاب إلى اهله جثه هامده ما شعور اهله لما يرجع ابنهم إلى البيت جثه هامده 
طيب ده حقه عند مين يرضى مين ده يا ناس 
حسبنا الله ونعم الوكيل 
عريس الجنه ان شاء الله 
ان لله وان اليه راجعون 

الله يرحمك يا ابن عمى الغالى

هناك 3 تعليقات:

  1. الله يرحمهم ويرحمنا ويرحم البلد دي اللي مش عارف رايحه بينا على فين ويصر اهالي الشهداء الواحد لمايبققى عارف حقه عند مين بيرتاح ويعرف يجيب حقه عاجلا ولا اجلا لكن دول ماعرفنس حقهم عند مين يجيبه ربنا ان شاء الله حسبي الله ونعم الوكيل

    ردحذف
  2. ربنا يرحمهم ويغفر لهم
    وحسبي الله ونعم الوكيل

    ردحذف
  3. ربنا يرحمهم ويغفر لهم
    وحسبي الله ونعم الوكيل

    ردحذف

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...