بس عايزه اعرفكم حاجتين .
اولا ربنا اعدني انا واولاده لده بشكل مدهش في التدبير اللهم لك الحمد فانا فعلا مطمنه جدا وواثقه ان ربنا مش هيسبنا لانه كان رجل صالح بمعني الكلمه رجل حاسه اني وولاده هنفضل فخورين بيه طول حياتنا وبسمعته ونضافته واحترامه واحسانه ليا ولكل اللي حوالليه بس ده راجل يتحزن عليه فالموضوع هياخد وقت متقلقوش عليا زي ما ابتلاني هيصبرني بس ادوني وقت
ثانيا الناس المقربين مني اجهدوا جدا معايا الفتره اللي فاتت وجزء من اجهادهم ردهم علي الرسايل والتليفونات اللي فعلا مش لاقيه كلام يوصف مدي الدعم اللي وصلني منها ربنا يزيدكم اخلاص واحسان بس انا فعلا بدات احس انهم انهكوا جدا وانا كمان انهكت جدا محتاجه اكتر للاسترخاء والتركيز عشان المسئوليات اللي ورايا واللي بجد فعلا محتاجه تركيز مني لان الامانه كبيره اوي ربنا يعيني علي الاستخدام ده
انا حزينه وقلبي واجعني اوي بس برضه محسنه الظن اوي اوي اوي الموضوع هياخد وقت وهرجعلكم احسن من الاول ان شاء الله لان ده وعد الله ان مع العسر يسرا
اللهم اجرني في مصيبتي واخلف لي خيرا منها
وشكر الله سعيكم
لا عزاء بعد ثلاث
اسئلكم الدعاء
--------------------------------------
فرح صحيت من النوم جابت عروستها
رشت عليها الperfume بتاعك
ولبستها دبلتك
ولذقت عليها صورتك
--------------------------------------
فرح صحيت من النوم جابت عروستها
رشت عليها الperfume بتاعك
ولبستها دبلتك
ولذقت عليها صورتك
سارة سيف
ليست هناك تعليقات:
إرسال تعليق