الخميس، 29 نوفمبر 2018

صور قاتل الطفل حسن بمركز القوصية باسيوط .. الاهالى ’’ المجرم بيهددنا بالقتل للتنازل .. وبيستخبى فى الجبل لما تجيله اخبارية ’’


كارثه بكل المقاييس ...
نداء للسيد رئيس جمهورية مصر العربيه، نداء للسيد وزير الداخليه، نداء للسيد وزير العدل، نداء بمدير امن اسيوط، نداء للسيد مأمور مركز #القوصيه بمحافظه #أسيوط
هذا الطفل اسمه حسن سمسم حسن ... عمره اربع سنوات ... في يوليو 2018 تم خطفه من بيته في قريه الشيخ سيد علي في #اسيوط و تم خنقه و ذبحه عشان أهله لم يستطيعوا دفع الفديه ٣٠ ألف جنيه مصري ... وأهله ناس غلابه ميعرفوش حد يقدر يساعدهم و نفسهم يعيشوا في أمان بس !
القصه ابتدت بأن الخاطف (مسجل خطر، و عليه أحكام بالسجن) هدد الام انه هيخطف الطفل لو والده المقيم في الكويت مدفعش ٣٠ الف جنيه مقابل عدم خطف إبنه، و بالفعل بعد يوم واحد قام المجرم بخطف الطفل ... و الأم خافت تقول للأب ان الطفل مخطوف و تخيلت ان الخاطف هيسيب الطفل لما يقتنع انهم بالفعل فقراء و مفيش معاهم المبلغ ده من الأساس.
بعد أيام للأسف الخاطف نفذ تهديده و قتل الطفل و ذبحه و حط جثته في شوال و حطه عند بيت اهل الطفل عشان يكون عبره لأي حد يقول لأ و ميدفعش اللي يقول عليه هذا المجرم.
الأب بيصرف علي إخواته الأيتام اللي ملهومش في الدنيا غيره، و الأم معندهاش غير الطفل ده و شافته مذبوح بعينها علي باب بيتها !
المأساة لم تنتهي بذبح الطفل، المأساة ان المجرم بيضرب بيت الأسره بالبندقية الآلية تقريبا بشكل اسبوعي عشان يقوموا بالتنازل عن المحاضر ... و الام و الاطفال هربانين بين البيوت عند الجيران خوفاً من القتل و الاغتصاب.
و للأسف عندنا مكالمات مسجله بالتهديد بالقتل لأخوات الأب الأيتام الصغيرين و بالتالي توقفوا تماما عن الخروج من البيت، و توقفوا عن الذهاب للمدرسة خوفاً من القتل، و توقفت الأم عن الخروج من البيت بسبب تهديد المجرم بإغتصابها و قتلها ... زي ما عملوا في إبنها !
العمده بتاع البلد بيقول ان شاء الله خير، و النيابة بتقول لهم ان شاء الله خير، و قسم الشرطه بيقول انه هيقبض عليهم بس للاسف ٥ شهور عدت و القاتل بيمشي وسط البلد و بيهدد و بيضرب البيت بالآلي و للاسف الداخليه مقبضتش عليه حتي الآن لانه بيجيله اخباريه و بيروح يستخبي في الجبل...و اهل الطفل ملقوش حاجه تانيه يعملوها غير انهم يتواصلوا معانا عشان نوصل صوتهم و استغاثتهم
مش عارفين مين المفروض يقبض علي هذا القاتل، ده خطر علي المجتمع، خطر علي الأمن القومي، الأسره دي بس محتاجين يأكلوا و يروحوا المدارس و يناموا في أمان !
المجرم الإرهابي اسمه مرجان محمد أحمد عمر جوده و شهرته سرحان ... دي مجموعة صور للمجرم بأسلحته الثقيلة.
رقم القضيه : ٤٥٠١ إداري و تحولت لنيابة شمال أسيوط برقم ٥١٢٤ بتاريخ ١٨-١٠-٢٠١٨

البقاء لله .. مقتل طفل والعثور على جثته مذبوحا ومدفونا فى أرض زراعية بدير القصير بمركز القوصية باسيوط

هناك تعليق واحد:

  1. حرام عليكم الاطفال ملهاش صالح يارب ارحمه واجعله من عبادك الصالحين

    ردحذف

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...