الأحد، 29 مايو 2011

اسيوط فيس توك ترصد مأساة تعرض لها السيد / عاطف الشرقاوى وابنته مواطنين من اهالى شعب اسيوط الكريم بمستشفى الايمان القديمة



ذهبت بابنتى يوم الخميس الموافق 26/ 5 / 2011 قبل الظهر الى مستشفى الايمان القديمه باسيوط علشان ابنتى هتولد وتم عمل الاجراءات وعمل اشعه وقامت دكتوره بالكشف عليها واثبتت ان الولاده طبيعيه وتوجهنا الى الدور الثانى ودخلت ابنتى للكشف عليها وقال لها الطبيب اذا كنتى عايزه تولدى طبيعى اذهبى الى القصر واذا كنتى عايزه تولدى قيصريه خليكى هنا فتوجهت ابنتى الى الدكتوره الاولى اللى كشفت عليها وقالت ان الولاده طبيعيه وذهبت معنا الى الطبيب الثانى فنكر كلامه وقال انا قلت ان لو قعدت وهى ساكته هتولد طبيعى ولو لم تسكت هتولد قيصرى بس برضو انا مش فاهم يعنى هتسكت ازاى لو فيه الم ابنتى تقدر تكتمه هل ابنتى 19 سنه عندها استطاعه تتحمل الم بدون اخراج صوت فقلنا للدكتور حاضر نتحمل ونجلس وذهبنا الى غرفه استخراج تذكره دخول وتوجهنا الى الموظف اسمه عز فقام بمعالملتنا معامله مش كويسه من نرفزه وعصبيه وكاننا نحن عبيد عنده وهو لايعرف ان المستشفى ملك للشعب وليس ملك له انتظرنا ابنتى فى الدور الثانى اللى كله اهمال من الاطباء ومن المعامله ومن النظافه وانا جلست بالشارع لاانهم منعونا ان ندخل وتحملت مشقه الجلوس بالشارع وفجاءه الساعه 11 مساء ارسل لى طبيب ثالت وقال لى بنتك هتولد قيصرى قلت له ليه من الظهر وقلتو ابنتك هتولد طبيعى وسكتنا وتحملنا وصبرنا وابنتى فى غايه التعب والالم فقال لى امامك ثلاثه دقائق توافق على العمليه والا تاخز ابنتك وتخرج من هنا حزنت فى نفسى كيف اخرج فى هذا الوقت المتاخر وليه من الصبح مقلوش كده كنت خرجت باابنتى ولا هما متعمدين ان يزنقوا الناس ويبهدلوا الناس اين اذهب باابنتى الان وافقت وانا حزين على ابنتى حزين انى انا مصرى وان اللى بيطردونى بالليل انا وابنتى المتالمه برضو مصريين وافقت والدموع فى عينى على اللى بيحصل ودخلت ابنتى غرفه العمليات وخرجت منها الساعه الواحده صباحا يوم الجمعه الموافق 27/5/2011 وقامت اداره المستشفى باخراجها من المستشفى نفس اليوم الساعه الواحده ظهرا وهى تعانى من العمليه التى اجرتها من اثنى عشر ساعه اناشد المسئولين عن صحه اسيوط بمحاسبه المقصرين فيما حدث لاابنتى امام عينى بمستشفى الايمان للنساء والولاده باسيوط

ليست هناك تعليقات:

إرسال تعليق

البقاء لله .. وفاة طالب كلية حربية من اسيوط متأثرا باصابته فى حادث .. القبض على موظف ببترول اسيوط قتل طفل بالخطأ بسيارته وهرب مسرعا

لقى طفل مصرعه، متأثرا بإصابته بكدمات في الذراع ونزيف داخلي بالمخ، بعد أن صدمته سيارة ملاكي دايو لانس بطريق قرية علوان وفر صاحبها هارب...