الصور
قدّم عبد الله عاصم المخترع الصغير نصائح لإسقاط مراقبة مواقع التواصل الاجتماعي من قبل السلطات المصرية ممثلة في وزارة الداخلية.
وقال عاصم على صفحته الخاصة على موقع التواصل الاجتماعي «فيس بوك»، «في كلام كتير ان الحكومة المصرية بتراقب الحسابات ياتري الكلام دة صح أو هما يقدروا يعملوا كدة فعلاً؟، مضيفًا الكلام دة مش جديد».
اقرأ أيضا:
ننشر تفاصيل جديدة حول مراقبة «فيس بوك وتويتر».. النظام يراقب ردود الأفعال على قرارات الحكومة
وتساءل «نسأل سؤال مهم الحكومة بتراقب الناس إزاي؟.. أي شخصية بتأثر على الرأي العام وليها آلاف المتابعين أكيد الحكومة بتتابع كل كلمة بتقولها وده لا يخضع تحت مسمى التجسس دي متابعة زي أي متابع ولما الشخصية العامة دي تكتب كلام معارض للنظام ساعتها توجهله مسألة قانونية.
وتابع ، «فى خاصية جديدة اتفعلت فى الفترة الى فاتت على فيسبوك وتويتر بتخليك تحمل الارشيف بتاعك من عليهم الارشيف ده بيكون متضمن ملفك الكامل على المواقف البوست والرسايل والصور الخ ..». ولو معندكش فكرة عن الموضوع ممكن تدخل على«Settings - > General -> Download a copy of your Facebook data.».
وذكر عاصم أن قانون CISPA يجبر الشركات على تسليم معلومات المستخدمين للحكومات بمعني أن الحكومة تقدم طلبا لإدارة الموقع بتسليم بيانات الشخص، ثم تقوم بتسليم الحكومة الأرشيف الخاص بالشخص وهذه الخطوات تستغرق الكثير من الوقت «مش في لحظتها».
وأضاف «يعنى الحكومة ملهاش اى صلاحيات تراقب انت بتكتب ايه دلوقت او تعرف انت بتكلم مين او بتعمل ايه ! هما بياخدو الارشيف بتاعك ويقعدوا يدوروا فيه وطبعا ادارة الموقع مش فاضية تبعت الارشيف بتاع الشخص كل شوية يعنى مرة بالكتير» .
ولمنع مراقبة حسابك على مواقع التواصل اقترح المخترع الصغير هذه الخطوات،
يعني حضرتك لو عايز تكون بأمان ومن غير أي مشاكل اعمل الخطوات دي..
1- قائمة الأصدقاء عندك تكون من المعارف الشخصية اللي قابلتها بنفسك
2- حضرتك ما تفتحتش المتابعين أو الفولورز وتخلى البوست للأصدقاء فقط
3- ماتتكلمش عن كل حاجة بتحصل في اليوم بتاعك
4- ماتطلعش أي بيانات شخصية عنك في الرسايل أو في البوست
وأكد وبكده مفيش أي حد هيقدر يتابع أنت بتعمل إيه على الفيس بوك أو نشاطك أو توجهاتك غير قائمة الأصدقاء وبس.
ولاء حامد
ليست هناك تعليقات:
إرسال تعليق