هل الطفلة دي هي هبه محسن المخطوفه؟
البنوته الجميلة دي بتتسول في محافظة أسيوط جالنا رسايل كتير عنها انها هبه محسن المخطوفه وتواصلوا كتير مع والد هبه ادمن من صفحة المفقودين نزلت لمكان تواجد الطفلة أمس بتاريخ ٧/يونيو/٢٠١٧ بمنطقة المنفذ اول ما المتطوعه قربت من البنت وصورتها طفل عنده تقريبا سبع سنوات وفضل يصرخ ويقول بتصورها الحقوااااا فجاه الادمن لقت حواليها اتنين سيدات منقبات وسيده علي كرسي متحرك ورجلها مقطوعه وفضلوا يتخانقوا معاها علشان تُمسح الصوره الادمن مرضيتش وفضلوا التلاته يشتموا الادمن ويزعقوا فيها ويقولوا لها البنت يتيمه السيده اللي علي كرسي متحرك عجوزه قالت عاوزه تنزلي الصوره علي النت امسحيها بقولك... الادمن طلبت النجدة علشان تيجي والمتسولين لقوا الأمور هتكبر السيده الكبيرة طلعت صور شهاده ميلاد وادعت انها حفيدتها وامها في السجن في قضيه شيكات
اللطيف ان السيده قالت انا بأجر عربيه مخصوص تجيبني لهنا ب ٨٠ جنيه يوميا متخيلين ٨٠ جنيه يوميا يعني ايه!!!
الادمن عرضت علي السيده متتسولش بالبنت وهتديلها مساعده شهريه لكن المتسوله رفضت وقالت البنت مش بيكفيها ألفين جنيه في الشهراللي هو ازاي يعني ده انتي
ملبساها مقطع وحافيه
الناس اللي في الشارع غلطوا الادمن وقالوا لها ما تخليكي في حالك وللاسف الادمن كان معاها ابنها عمره تلات سنوات واضطرت تمشي لكن انهارده عرفت ان اخر الليل النجدة وصلت لقوا المتسولين مشيوا في النهاية دي مش هبه انماً دي ضحية تسول وضحية مجتمع مش عاوز يقف في وشهم لو منع الفلوس عنهم هيرتدعوا
امنعوا فلوسكم عن المتسولين وعرفوهم ان طول ما بيتسولوا بأطفال هنعمل لهم قلق ومش هنديلهم فلوس دول مافيا ومجرمين وبيتاجروا بالاطفال ويعذبوهم ويتوصل معاهم للقتل كمان دول قلوبهم حجر بلاش تتساهلوا معاهم والله ما هنسيبهم وهنحارب ظاهره التسول مهما حصل
أرجوكم ساعدونا امنعوا فلوسكم عنهم ووعوا كل الناس بكده
ليست هناك تعليقات:
إرسال تعليق