فضلاً أدونا من وقتكوا 5 دقايق بس !
بنعتذر لصعوبة الصور بس ديه الحقيقة !
يا جماعة فيه #أسرة كاملة في قرية بمركز ديروط - #أسيوط .. من كام يوم نشب #حريق في بيتهم واتحرق بالكامل - النار مسبتش حاجة إلا ومسكت فيها - العيلة كمان كلها عندها #إصابات بالغة وحروق من الدرجة #التالتة - دخلوا القصر العيني بأسيوط والقصر طلعهم بعد كام يوم وقالولهم معندناش أماكن #متاحة ليكوا - الناس طلعوا ع بلدهم بكرامتهم وحجزوهم في مستشفي #ديروط المركزي الغير آدمي بالمرة - الأطفال كانوا بيصرخوا من شدة #الألم في النهار - الممرضات دخلوا عليهم #يزعقوا فيهم عشان #صدعوهم !! حاولنا نكلم كذا حد يدخلهم القصر من تاني عشان #خطورة حالاتهم وقالولنا طب خلوا دكتور من ديروط يكلمنا يفهمنا طبيعة الحالات - نزلنا من شوية مستشفي ديروط - مفيهاش دكتور .. مفيهاش دكتور .. مفيهاش دكتور واحد يبلغ دكتور القصر بحالتهم - يا جدعان أحنا مش عارفين نوقف بكا عليهم من الصبح وع حالهم وأحنا والله يدوب من #نفس المحافظة - ملناش صلة قرابة بيهم غير أنهم #أخواتنا وأهلنا وأي ضمير إنساني لازم يتحرك عشانهم - الناس ديه #مش طالبة فلوس ولا تبرعات ولا أي حاجة - كل اللي طالبينه يتعاملوا كبني آدمين - لأن والله العظيم ده ميرضيش #ربنا أبداً ولا يرضي حد - ولو كانوا ولاد ناس #مهمين ولا واصلين مكنش #اتعمل معاهم كدة - مع العلم أنهم قاعدين في مستشفي ديروط والناس هي اللي بتجيبلهم من برة الشاش والقطن والغيارات .. ياااااريت مسئول محترم ولا حد يقدر يهتم بحالتهم ويلبي ندائهم ويقدر يدخلهم مستشفي #القصر من تاني .. معلش يعني .. لما المستشفي ترفض دخولهم .. يروحوا فين ؟ حد يفهمني ويقولي يروحوا فين ؟ يعني #خراب ديار وقولنا ربنا #يعوضهم .. لكن ليه نسيبهم يموتوا وفي إيدينا إنقاذهم ويفضلوا في الحياة بينا .. ليه كدة !! أنا مستعد أنقلهم من مستشفي ديروط لحد القصر العيني .. بس حد يجيبلنا #موافقة أو يتصلنا بحد يحرك الموضوع .. الرحمة يا بشر .. الرحمة بناس لا حول ليهم ولا قوة .. الرحمة بناس مش عايزة غير أنها تتعالج وده أبسط حقوقها .. متأسف لو كنت طولت عليكوا .. وأي حد يقدر يوصل لحاجة يااريت يكلمني واعملوا شير ومنشن جايز #صوتنا يوصل لحد .. شكراً
ارجووووووكم لو تقدروا تنزلوا البوست ده بالصور عندكم الناس دي بتموت ومش حد بينقذهم ف ابسط حقوقهم العلاج
تغريد
ليست هناك تعليقات:
إرسال تعليق