الثلاثاء، 22 مايو 2018

البقاء لله .. وفاة أم معتقل سياسى من اسيوط وهى صائمه فى حادث وهى فى طريقها لزيارة ابنها المعتقل بسجن الوادى


دفعته ف طب بيطري يعرفوه 
يعرفوا أخلاقه وطيبته وتدينه 
يعرفوا ظروف اعتقاله وحبسه ومحاكمته 
محكوم عليه بالسجن عشر سنين عسكري في تهمة من غير دليل 
بينفذ الحكم ف سجن الوادي 
أمه رايحة تزوره في مشوار بباخد عذاب أيام عشان كام دقيقة 
النهاردة وهي في طريقها لزيارة أحمد حصلت حادثة للعربية اللي كانت فيها 
ماتت أم أحمد يحيى 
ماتت في الحادثة 
وماتت أكثر من ألف مرة قبلها بعدد أيام سجن أحمد 
# الحرية لأحمد يحيى

يحيى جاويش
---------------------------------------
قلي إيه إحساس شاب عمره 24 سنة ، يدرس في كلية طب بيطري، يتحاكم 10 سنين ظلماً ويترمي في سجن الوادي، ويقضي زهرة شبابه هناك، وبقاله 3 سنين، والنهارده منتظر والدته رايحاله زيارة علشان يملأ عينه منها مرة في الشهر، وأمه تعمل حادث وتموت وتنتقل إلى ربها صائمة وهي في طريقها للزيارة، تنتقل تشكو لربها ظلم العباد، ايه إحساس الشاب دا لما يعرف ؟؟!😢😢
الله يرحمك يا أمي Wadeda Sedky
اللهم عليك بكل من شارك في 30 / 6 وما بعدها
اللهم اجعلهم يتذوقون ما ذقنا ونذوق
وأرنا في الطغاة عبرة 😢😢😢
#يا_وجع_القلب

رسالتها لي يوم الأربعاء الماضي 

احمد صلاح

ليست هناك تعليقات:

إرسال تعليق