الكلام دا من واحد صاحبنا ف الدفعه كان ف الموقف الي حصل مع فادي انهارده
انا كنت ف حدثة الراجل ده ومكنتش اعرف انه دفعتنا ..
هحكيها بتفاصيلها ..
وقع من القطر علي بعد كام متر من النفق الزهراء الصغير اللي بتقف عند المكروباصات تحمل ..
اول ما وقع سمعت زعيق جريت عليه ف مكانه كان لسه صاحي وبيتنفس
واتكلم قال :"الحقوني يارجاله ".
اتلمينا حوليه .
حاولت ارن علي الاسعاف اتصلت 5 مرات وردوا ف المرة السادسة . وبعد زعيق مع بتاع الاسعاف وخناقة قفل ..
الراجل ده قعد صاحي بيطلع ف الروح قدامي قعد 7 دقايق وهو صاحي بس الاسعاف وصلت بعد ربع ساعة .
لغاية هنا ده شيء طبيعي مش هنا المشكلة لان المسافة اللي وصلت منها الاسعاف تاخد الوقت ده .. ولاد الـ.... كانو قافلين بالعربيات الطريق علي الاسعاف بيتفرجوا علي الحدثة اخرت الاسعاف ف حدود 4 دقايق ..وبعد ما بتاع الاسعاف نزل حط ايده علي رقبته لقاه اتوفي قال مش هشيله علشان اتوفي وليه اجراءات تانيه ..
وصلت الشرطة سلمت التليفون والشنطة ومحفظته لظابط الشرطه اللي كان مووجود ..
الاسعاف والشرطه كانو وصلو بعد الراجل ما كان خلص.
اتلمينا علي الراجل قولنا هناخده ف تاكسي لا تاكسي رضي يقف ولا واحد من اللي واقفين حب يمد ايده يرفعه من مكانة وكام واحد ابن ..... بيقولو استنو الاسعاف حتي لما طلعت الخطوط من تليفون وقعدت ازعق اي حد تليفونه بيشيل خط مقصوص مفيش ابن ... طلع تليفونه من لا شباب وراجل كبير نكلم حد من اهله ..وكان فيه واحد ابن ... واقف لابس بدلة بني معرفش بيشتغل اي ولا تبع اي بيقول للناس يلا امشو ..علي بعد كام متر كان فيه امين شرطه مقربش من ناحيتنا نهائي
الراجل كان صاحي اقسم بالله .. كان كسر ف دراعه الشمال وكسر ف رجله اليمين
وكدمه ف بطنه جامده شويه .
الراجل عمره كده ربنا يرحمه ..
بس المشكلة ف ان الناس دي ماعدش ف قلبها رحمه ..
ليه يعني كده .
مكانش هيحصل حاجه لو رفعناه من مكانه وونزلناه ف تاكس كان ممكن نلحقه
ربنا يرحمه.
..
حسبي الله ونعم الوكيل
فادي عادل
رابعه تجاره انجلش
ليست هناك تعليقات:
إرسال تعليق