السبت، 6 أكتوبر 2018

البقاء لله .. وفاة 5 من اسيوط فى حوادث متفرقة



بصوا ي جماعه انا هأحكى قصة إبن عمى وبالله عليكم ساعدونى ف نشرهاا عشان نجيب حقه 😢 
اسمه/ إيهاب محمود محمد من ديروط 
السن /14 سنه 
كان بيروح يشتغل ف مصر ومعاه 9 من صحابه بيشتغلوا ف مصنع 
كانو بيشتغلوا بالليل من الساعه 8 بالليل ل 8 الصبح صاحب المصنع كان دايما يقفل عليهم البوابه معرفش ليه والمفروض البوابه تفضل مفتوحه هما كانوا ف الدور الارضى وصاحب المصنع كان بينام هو وعياله ف الدور الرابع 
ف يوم بقي جه واحد منهم بيلحم الماكنه شرازه جات ع جركن التنر وجات مولعه ف المكان كله ف هما معرفوش يتصرفوا ومفيش عندهم لا طفايات حريق ولا حتى ميه ف جروا ع الحمام جابوا هدومهم من هناك وبيطفوا بيها واللى كان بيلحم الماكنه جرى بسرعه ع صاحب المصنع ف الدور الرابع بيقوله هات المفاتيح نفتح البوابه المصنع بيولع تحت بس للاسف زادت النار وبقيت جامده
ف راح صاحب المصنع لما سمع نط من الدور الرابع للمصنع اللى قصاده هو وعياله والراجل اللى راح يصحيه لما شافه نط هرب هو كمان وراه وسابوا العيال لوحدهم ف النار من غير ما يساعدوهم ف اللى ربنا كاتبله يتوفي اتوفي والي ربنا كاتبله ينجى نجا
ولما جه وقت التحقيق ف الموضوع صاحب المصنع قال انا مليش ذنب الحق كله ع اللى كان بيلحم الماكنه وطلع منهاا 
ولما حققوا مع العيال اللى نجوا لقيوا سنهم قانونيا ماينفعش ف المصنع بس الراجل مزور السن وكاتبهم 21 سنه عشان كده كان بيقفل عليهم البوابه عشان محدش يشوفهم
والحكومه عملتها قضية إهمال وقفلتها ع كده وحق العيال ضاع 
حسبى الله ونعم الوكيل  💔😭
ساعدونى ننشرها عشان نجيب حقهم وعشان مايتكررش الموضوع ده تاانى 
ملحوظه / الناس اللى بتسأل هو طلع ينهده صاحب المصنع ازاى 
فيه سلم خشب كانوا بيطلعوا من عليه منهم اللى طلع ومنهم ماحصلش يطلع 
والمرحوم ايهاب وهو بيطلع ع السلم النار حصلت رجله ف اتلسع والسلم اتكسر من النار ف بالتالى وقع ف النار ربنا يصبر اهله يارب
----------------------------------------------------

رحل عن دنيانا أثر حادث اليم ومروع الاخ جرجس عشم وهو من سكان المدينه وابن من رعية كنيسة مار مرقس اسيوط الجديده وتوفي علي الفور واصيبت زوجته اصابات بالغه ونقلت الي المستشفي وبات المرحوم ليلته الاخيره قبل الدفن في كنيسة دير درنكه للصلاة عليه صباحا ثم الي مثواه الاخير ....والغريب انه ولا فرد واحد من سكان المدينه كان في وداعه لعل الكثير لا يعرفه مثلي ولم يصله خبر الحادث حتي الان... ولكني اخص الرعاة والخدام الذين كانوا وقت الحادث موجودين مجموعات كشفيه وخدمات دراسات كتابيه وخدمات افتقاد ودارسين وباحثين عظماء وامين خدمه ومعاونيه وخدمة جامعه وثانوي واعدادي وغيرها كثيرا جدا......
اين انتم؟؟؟؟اين انتم من الوقوف الي جوار الاطفال الصغيره ابناء المرحوم مخدومينكم والسؤال والتخفيف عنهم ومواساتهم ومحاولة اخراجهم من مصابهم الاليم واحتواءهم والبقاء معهم وهم من تخدموهم ومعروفين لديكم بالاسم..... اين انتم؟؟؟؟اين انتم من السؤال عن زوجة المرحوم في المستشفي"اين الخادمات"هل هم ف الكورال ام يسمعون الموسيقي كان لابد ان تساعدوها وان تجدكم عندما تفيق من غيبوبتها فما فائدة الخدمة والخدام اذا.... ام انكم تخدمون الحفلات والمناسبات والاستقبالات والكورالات... هناك اهم من كل هذا ياساده.....اذهبوا للعائله وأسالوا عنهم وعن احتياجاتهم "الزوجه واولادها"ربما يجدوا فيكم السند والمعين فلم يعد لهم الا الله وانتم "الراعي والخدام"......وجميعنا يا اخوه عرضه لمثل هذه الحوادث وفي لحظه يقف اولادنا حياري مكلومين يبحثون عن يد حانيه تمتد اليهم لتخفف عنهم وتمنحهم من جديد الامل والرجاء ف الحياة.....كونوا انتم هذه اليد الحنونه التي تقف وتعطي دون مقابل.....
-----------------------------------------------

انتقل الى رحمة الله اخى الاصغر وتلميذى الدكتور/ محمد حسين الخشاب
Mohamed Elkhashab المدرس بقسم الجيولوجيا بعلوم سوهاج و نجل استاذى ومشرفى الاستاذ الدكتور/ حسين الخشاب استاذ الزلازل وعميد كلية العلوم الاسبق بجامعة سوهاج 
والذي وافته المنيه اليوم الاربعاء 3 اكتوبر
والعزاء بقرية صنبو مركز ديروط محافظة أسيوط 
نسأل الله العظيم رب العرش العظيم ان يغفر له ويرحمه برحمته الواسعة يسكنه فسيح جناته ويلهم أهله الصبر والسلوان. 
خالص العزاء لأستاذى الدكتور حسين 
ا.د/ عبدالباسط ابوضيف
رئيس قسم الجيولوجيا 
علوم سوهاج
------------------------------------------------------

تنعي ادارة الصفحة بمزيد من الحزن
والأسي وفاة الشاب الدكتور غانم محمد غانم
والذي وافته المنية اليوم وذلك ليلحق
بعد شهور قليله بأخيه الأكبر
الدكتور فهد غانم ، والذى توفي حينها إثر حادث أليم ، ونتقدم بخالص التعازي الي الأخ الخلوق المحترم
الصحفي جمال غانم والدكتور عمر غانم
والدكتور صبري غانم ألهمكم الله الصبر
وألهم والده ووالدته الصبر والسلوان
وأسال الله عز وجل ان يرحمهما ويغفر لهما
وأن يجعل الجنه دارهما ، يااااارب
----------------------------------------------


انا لله وانا اليه راجعون 
توفي الليلة الشاب اسلام توحة (نزه قرار - اسيوط) 
في حادث موتوسيكل نعم الشاب الخلوق المكافح ربنا يرحمه ويغفر له 
ربنا يصبر والده الرجل المحترم الوقور ويصبرهم جميعا
آمين
-----------------------------------------------

ليست هناك تعليقات:

إرسال تعليق

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...