الاثنين، 22 أكتوبر 2018

نفسى اشوفه بكارنيه الكليه .. بعد طلب والدته بالصور إدارة كلية الصيدلة بأزهر اسيوط تسلم والدة طالب كارنيه وشهادة تقدير بعد غرق الطالب بالترعه الابراهيمية باسيوط .. وزميله يقوم بعمل عمره له





قامت كلية الصيدلة باسيوط 
جامعه الازهر 
بعمل الكارنيه الخاص بالطالب المرحرم 
محمود محارب بناء على طلب والدته عندما جاءت الى اسيوط لتتسلم ابنها الغريق 
وقالت لعميد الكليه 
نفسى اشوفه بكارنيه الكليه 
يذكر ان محمود محارب الطالب بالفرقه الاولي بكليه الصيدله من محافظه البحيره 
قد توفي اثر غرقه في ترعه الابراهيميه من اسبوعين
وتم العثور علي جثته اثناء اذان الجمعه 
وكان هذا شيئا فريدا حيث انه
من يغرق في هذا المكان فان فتره العثور عليه تطول لايام وقد لا يتم العثور علي الجثه كما في بعض الحالات 
فقامت كلية الصيدله باستخراج كارنيه له وشهاده تقدير
-----------------------------------
ربنا كان رحيم بالطالب ده واهله اللى جايين من البحيرة والله قبل ما يطلع بنص ساعة امين شرطة الإنقاذ النهري والظابط بيقولى بصراحة امل ان نلقيه هنا 1% مفيش حد بيغرق هنا وبنلاقيه على طول ممكن من ساعة ما غرق من 8 بالليل لحد دلوقت الساعة 10 ممكن يكون وصل منفلوط مع تيار الميه المفروض اهله يوزعوا نفسهم على كباري الترعة الإبراهيمية لحد مركز ديروط يعنى لمسافة حوالى 90 كيلو وده حصل مع طالب كمان من 6 شهور تقريبا كان من سوهاج اهله قعدوا 40 يوم على كل الكباري لحد ما طلع لكن سبحان الله ربنا كان رحيم بالطالب ده الله يرحمه واهله اللى جايين من البحيرة لقينه على بعد 100متر مكان ما غرق
امه ربنا يصبرها طالب حافظ القرآن الكريم ولسه طالع من عندها فى اقل من شهر من البحيرة وكانت تتمنى تشوف دكتور جات اخدته جثة من اسيوط كانت بتقول كان ربنا خد من عمري وعطاه الطلب الوحيد اللى طلبته منا وهم ماشين بيه فى سيارة الاسعاف على البحيرة انها عاوزه تشوف صورته وهو فى كارنيه كلية الصيدلة قالنا ليها باذن الله يا حاجة نعملك الكارنيه ونبعته ليكى 
ربنا يرحمك يا دكتور محمود محارب ونسأل المولى سبحانه و تعالى ان يجعلك من الشهداء فطالب العلم شهيد والغريق شهيد باذن الله 
وربنا يصبر امه وابوه واخوه الوحيد احمد وان يجمعك بيهم وبنا فى الفردوس الأعلى باذن الله 

محمود محارب#طالب صيدلة ازهر اسيوط ابن الدلنجات محافظة البحيرة

ليست هناك تعليقات:

إرسال تعليق

البقاء لله .. وفاة مواطن واصابة عمه بطلقات نارية من ضابط بقرية الزاوية باسيوط وغضب الأهالى من ظلم الداخلية فى اسيوط

المواطن حسن مش إرهابى لكنه إنسان  كل جريمته انه مواطن غلبان خاف من حضرته فجرى راح ضربه بالنار ----------------------------------...