كل سنة "ربنا ما يقطع لنا عادة " بنحتفل بابطال حقيقين عايشين معانا ابطال في حرب قوية وشرسة هم مختاروش انهم يخوضها لكن فرضت عليهم وعلي اهليهم كابتلاء من عند الله سبحانه وتعالي الحرب علي ارض غير مجهزة بسيطة جدا .. ابطالنا هم اطفال معهد الاورام في اسيوط والحرب هي حربهم ضد مرض السرطان اللعين..
كل سنة كانت لينا فكرة يعني مثلا :
السنة الاولي فكرنا ازاي نساعد اطفالنا انهم يضحكو انهم يهزمو المرض بضحكتهم وابتسامتهم
السنة اللي بعدها قولنا لازم نكرم ونحتفل بجزء اصيل في المعركة دي وهي ام واب الطفل المصاب بالسرطان واللي فيهم بيجي من اقصي بلاد الله عشان جرعة الكيماوي الخاصة بابنه وهو مش حيلته غير تمن المواصلات نزلنا وجبنالهم هدايا وكرمناهم وضحكنا معاهم
السنة التالتة قعدنا محتارين هتعمل ايه ؟!! هتعمل ايه ؟!! ما هو لازم فكرة جديدة تفرح بيه الابطال دول.. توقع عيني علي فيديو لطالب طب زميل عمل فكرة بسيطة وانه يحقق امنيات اطفال السرطان.. هي دي احنا لازم الفكرة دي
كل مرة كنا بنروح بهدايا بسيطة ودباديب تفرح الاطفال لكن اكيد في امنيات عند كل واحد فيهم نفسه يحققها قولنا هننزل علي مرتين الاولي هننزل نسمع امنياتهم ونفرحهم ونلاعبهم ونضحكهم كالعادة وفي التانية هنرجع لهم باذن الله بالامنيات... الامنيات هتشوفها بسيطة جدا وسهلة جدا في اللي بيحلم بتيشرت محمد صلاح وكوتشي كورة وكورة وفي اللي بيحلم بمسدس لعبة وفي اللي بتحلم بفستان عروسة حاجات بسيطة جدا بس هتخليه اسعد انسان في الدنيا وهتساعده يواجه اصعب والعن عدو وهو مرض السرطان اللعين احنا طالبين منكم تساعدونا في تحقيق امنية الاطفال دول واحنا هنوصل الامنيات لغاية عندهم باذن الله وهنصورلكم فرحتهم ازاي بعد تحقيق الامنيات.
اللي حابب يتبرع ويسعد طفل منهم يتصل علي الرقم 01022400237 او يبعت رسالة علي صفحة الجمعية
يالا سعدونا نفرحهم شوفو الصور عشان تعرفو الامنيات
ملحوظة : في بعض الامنيات ملابس وجاكت وكدة في حد مسؤل مننا عن مقاس الاطفال وقعد معاهم وعرفهم ما عليك غير تتبرع بفلوس مادية واحنا هنشتري الحاجة
ملحوظة تاني : واحنا خارجين طفل منهم قال هتروحو مش هترجعو تاني زي اللي قبلكم صح ؟
احنا المرة دي بجد ناوين نرجعلهم بامنياتهم متحققه ومش هيحصل دا غير بمساعدتكم لينا منتظرين تفاعلكم مع البوست والفكرة بالشير والتبرعات
’’ شهيدة السرطان ’’ البقاء لله .. وفاة طالبة بمدرسة اسيوط للغات بعد صراع مع مرض السرطان .. الموت يفجع نجوم مسرح مسرح فى وفاة الطفلة رودين .. آخر كلمات الطفلة رودين ’’ ربنا يشفينى ’’ وآخر وصاياها التبرع بصدقة جارية على حساب 57357 لعلاج سرطان الاطفال
صحافة المواطن ’’ وما خلق وجهك الا ليبتسم .. رودين هشام .. ملاك فى الجنه ’’ بالصور اصدقاء الطفلة رودين ’’ شهيدة السرطان ’’ باسيوط ينفذون وصيتها الاخيرة بعمل صدقة جارية لها على حساب 57357 لعلاج سرطان الاطفال
ليست هناك تعليقات:
إرسال تعليق