السبت، 19 يناير 2019

بالصور شهادة شباب خطيرة عن الملتقى التوظيفى باسيوط ’’ خدع الشباب كالعادة واستغل حاجتهم للعمل ’’ الشركات موجودة اعلانتها على النت قبل الملتقى بمرتبات تبدأ من 500 جنيه .. ’’ هو ده حظك يا قلبى ’’


السلام عليكم
انا كنت في الملتقي التوظيفي النهاردة الفكره نفسها جميله ان يكون في ملتقي توظيفي يجمع بين صاحب العمل ومن يريد العمل ولكن
اللي بيحصل دا خداع للناس واستغلال لحاجة الشباب للعمل وسط الظروف الا قتصادية الطاحنة اللي بنعشها
في ناس بتدافع وبتلمع الحدث والمسؤلين وبتتهمنا اننا احنا الشباب اللي مش عايزين نشتغل ماعلينا المطبلتيه موجودين في كل زمان و مكان 
انما هو ليه اللي راح بيقول نصب وضحك علينا وكلام فاضي
واللي طالع يتحسبن 
طيب خليني احاول افهم معاكم ليه كلنا كنا بردد الكلام دا ومش عجبنا اللي حاصل وهل احنا فعلا شباب كسلي ومش عايز يشتغل ولا في ايه بيخلينا نقول كدا وبرضوا نرد علي المطبلتيه اللي بيقولوا ان الملتقي ناجح واقبال كبير ومش عارف ايه
اولا المرتبات لاتكفي لتعيش قطة بعيالها حتي ان في شركة عارضه مرتب من ٥٠٠جنيه الي ٩٠٠جنيه الصراحه اول ماعيني وقعت علي المرتب قولت اكيد الناس دي لسه نازله من الة الزمن الماضي ووسط السخرية من كل من يري المرتبات نري مطبلاتي يقولك كدا ولا تقعد في البيت لا ياعم انا اقعد في البيت بدل ما اصرفهم مواصلات ويتفقع مرارتي
ثانيا: انتم جايبين شركات امن و مندوبين وسائقين وعمال
طيب ماهي الشركات دي موجوده اعلاناتها علي النت وفي الشوارع والتلفزيون ايه بقي لازمتها في الملتقي
ثالثا : كتير من الشركات دي توظيف ياعني بتوديني لصاحب العمل في مقابل مادي من ٢٥٠ جنيه ٥٠٠ جنيه وتقول اصل دي رسوم تامين تامين علي ايه ما تعرفش
رابعا : احنا رايحين علي اساس مقابلة مع الشركات ياعني اسئلة واختيار الافضل فكرتهم في لم الورق وخلاص ودا بيدي انطباع ان مفيش جديه ودا بالفعل معناه انها اشتغاله
خامسا : هو مش من حق كل مؤهل رايح يدور علي تخصصوا ولا هي معجنه وبس واسمنا شغلنا الناس
واحد لغة عربيه بيقول صحفيه ياعني انا لغة عربيه اشتغل ايه رد مسؤل عليه وقالوا دي شركات خاصة مش حكومة
ياسلام مااحنا فاهمين انكم شغل خاص هو احنا بنشرب عصير برسيم بس ايه المانع زي ماضغتوا علي الشركات دي تضغطوا علي كل القطاع الخاص انوا يشارك بمختلف مجالتوا
ياعني لو شاركة المدارس والمعاهد الخاصة مش كان لغة عربية اشتغل علي سبيل المثال وليس الحصر
سادسا : وجود شركات بتعرض تدريب زي ال icdl كلام يحسسك ان شغلانت حشو شركات وخلاص المهم ان في ٦٠شركة مشاركة في التوظيف وخلاص
انا من راي كنت تجيبو شركات الجبنه تعرض منتجها بالمره 
ودربونا علي عمل الجبنة😂😂
في النهاية احب اقول لاخونا الصحفيين بدل ما انتوا كل اهتمامكم 
تلميع الحدث والمسؤلين انقلوا الصورة الصحيحه للمسؤلين
لان اللي حصل في الملتقي دا والله حطمنا اكتر ما احنا متحطمين😔😔

علاء العزالى

هناك تعليق واحد:

البقاء لله .. وفاة طالب كلية حربية من اسيوط متأثرا باصابته فى حادث .. القبض على موظف ببترول اسيوط قتل طفل بالخطأ بسيارته وهرب مسرعا

لقى طفل مصرعه، متأثرا بإصابته بكدمات في الذراع ونزيف داخلي بالمخ، بعد أن صدمته سيارة ملاكي دايو لانس بطريق قرية علوان وفر صاحبها هارب...