مش اول مرة ولا هتكون اخر مرة
سوء تخطيط وإدارة من مجلس إدارة الاتحاد المصري للمصارعة كل يوم لاعب يبطل كل يوم بطل يدفن تحت حجة قرار مدير فني .
قصتي بإختصار.
انا لعبت التجارب الرسمية للفريق القومى المؤهلة لبطولة افريقيا بتونس المقامة بصالة الهايكستب يوم 2/15 وحصلت ع المركز الاول في مرحلة الشباب وزن 97ك .
المفروض كده اسافر طبقاً للنتيجة قالك لا مش هينفع تسافر غير لما نجربك تاني وبالفعل اتصلوا بالكابتن بتاعى يوم الاتنين 2/18 وبلغوه اني احضر تاني يوم للتجربة مرة تاني الثلاثاء رفضت لان الوقت ضيق جدا. اتأجلت للسبت 2/23 ولعبت بوجود 4 حكام والحمدلله كسبت تانى وكدا انا اطمنت اني مسافر اول واحد في الفريق .
رجعت بيتنا بعدها بيومين قالولي انك مش مسافر 🤬
والاتحاد يقول قرار مدير فني والمدرب يقول ده شغل اداري بتاع الاتحاد مش بتاعي .
مين فيكم صح ومين غلط دمرتوني ودمرتوا مستقبلي.
مدرب بيحدد مصيري بناءً على الهوا الشخصي مدرب نام في الأولمبياد ومصر خسرت ميدالييتين في أولمبياد ٢٠١٢ وانهاردة في نفس الوقت اللي بكتب فيه البوست نام تاني في بلغاريا وضيع البطولة على اللاعبين .
هل ده عادي ؟! هو ده مش فساد !؟
ربنا ينتقم من كل ظالم
انا مش بطلب منكم غير تدعموني لاني خلاص انا هبطل مصارعه بس قبل ما ابطل لازم الناس دي تتحاسب.
-----------------------------------------------
تقدم العميد محمد عبدالسلام مك باستقالته من مجلس إدارة منطقة المصارعة بأسيوط تضامنا مع اللاعب والبطل محمد سويفى ابن اسيوط على خلفية اقصاءه ظلم من تمثيل مصر ببطولة اللامم الأفريقية بتونس بسبب المجاملات ونشر ذلك عبر موقعه على موقع التواصل الاجتماعي الفيس بوك " وقال مك أن الاتحاد جامل أحد اللاعبين على حساب ابن الصعيد حيث اجتاز اللاعب إختبارات التجارب بتفوق ملحوظ وحصل على المركز الأول
واكد مك على أن استقالته تاتى بعد فشل جميع المحاولات مع إتحاد المصارعة ووزير الشباب والرياضة لإعادة حق اللاعب وحق محافظة اسيوط وبعد اعترافهم بالكفاءة الفنية لللاعب وحق المشاركة وحصوله على المركز الأول
وطالب عبدالسلام اللواء جمال نور الدين محافظ أسيوط بسرعة التدخل ،والتضامن مع البطل محمد سويفى حتى ياخذ حقه ويشارك في البطولة مؤكدا على أنه قد إنتهى في عصر الرئيس السيسي التهميش والتجاهل وحرمان ابناء الصعيد من حقوقهم المشروعة وانه سوف يواصل العمل حتى ياخذ اللاعب حقه
ليست هناك تعليقات:
إرسال تعليق